Телеграм канал «ELTUZ»

⚡️Коррупция, адолатсизлик, сукунат… Бундан чарчадингизми? Овозингиз эшитилишини истайсизми? Айбдорлар жавобгарликка тортилиши керак деб ўйлайсизми? 📢 ELTUZ — халққа минбар берувчи Телеграм канали. Бу ерда ҳақиқат бор. Каналимиздаги постлар обуначиларимиз ва меҳмонларимиз томонидан юборилган фош этувчи материаллар асосида тайёрланади. Биз кимгадир эмас, сиз учун муҳим бўлган масалаларни ёритамиз. Жим турмаслик — танлов. Адолат учун овоз бериш — қарор. 👉 https://t.me/eltuzportali Каналга аъзо бўлинг ва жамиятдаги ўзгаришларга ҳисса қўшинг. Арз-додингиз, шикоятингиз ёки фош этувчи маълумотингиз борми? 📩 @eltuzportali_bot орқали бизга юборинг. Ҳақиқат айтилганда кучга айланади.

⚡️ОИЛА ВА ХОТИН-ҚИЗЛАР ҚЎМИТАСИДАГИ ХОДИМЛАР РАИСНИНГ ДИКТАТУРАСИДАН ЧАРЧАДИ Қўмита раиси Зулайҳо Маҳкамова ходимларни муетазам ерга уриши, маош ва мукофот пулларини миннат қилиши хусусида жиддий айбловлар мавжуд. «Бемаъни ва мутлақо бефойда мажлислар, дам олиш кунлари ҳам тинимсиз ишлашдан тўйдик. Тутруқсиз лойиҳалар, мажлисбозлик ва ҳақоратларнинг охири борми ўзи?» Вилоят, туман ва шаҳар ҳокимлигидаги ҳоким ўринбосарлари, оила ва хотин-қизлар бошқарма бошлиқлари ҳам Зулайҳо Маҳкамованинг ихтиёрида. Бироқ амалда қўмитадан уларга иш ҳақи тўланмайди. «Қўмитага ким мурожаат билан келса ёки хат ёзса, қўмита раҳбарияти бирорта муаммони ҳал қилмайди. Ҳаммасини ўйламасдан пастдагиларга тушмириб юборишади. Вилоятлар маблағсиз, масала бошқармага тааллуқли бўлмаса ҳам мажбур ишлаймиз. Ҳали шу кунгача бирор марта Маҳкамова Зулайҳо тегишли вазирлик ёки ташкилотни ўзини чақириб ёки хат тушириб ишламаган» – дейди ходимлар. Улар Зулайҳо Маҳкамовага раислик ўрнини бўшатиб, асабларини даволатишни тавсия қилишмоқда. 👉 ХАБАР БЕРМОҚЧИ БЎЛСАНГИЗ ЁКИ МУРОЖААТ ЙЎЛЛАМОҚЧИ БЎЛСАНГИЗ 💬Telegram |📱Facebook | 🐦Twitter |📱Instagram |📺YouTube

⚡️Метан учун навбат 25 январда Ғиждувонда юзага келди. Ҳар қиш энергетик коллапсни бошдан кечирамиз. Табиий газ на хонадонларга, на мошинларга етмайди. Бу инқирознинг охири борми? 👉 ХАБАР БЕРМОҚЧИ БЎЛСАНГИЗ ЁКИ МУРОЖААТ ЙЎЛЛАМОҚЧИ БЎЛСАНГИЗ 💬Telegram |📱Facebook | 🐦Twitter |📱Instagram |📺YouTube

⚡️ТЕРМИЗ ДАВЛАТ УНИВЕРСИТЕТИ ТАЛАБАЛАРИ ҚОР КУРАГАНИДАН НОРОЗИ Элтуз жамоаси олийгоҳларда сессия бошланганини талабаларнинг турли шикоятлари кўпайганидан билади. Ҳар сессияда шу бўлар такрор. Салкам 6 ой давомида саводсиз ўқитувчининг дарсларига сабр қилган бу студент тоифаси айнан сессия пайтида ўқитувчи ёмонлиги, тьютор қаттиққўллиги, дарс сифати пастлигидан шикоят қила бошлайди. Ука-сингиллар, муаммони икки оёғингиз бир этикка тиқилганда шантаж шаклида эмас, ўз вақтида айтишни одат қилинг. Навбатдаги талабалар Термиз Давлат университети тютори ҳақида шикоят йўллашди: «Ректор хорижий сафарда, ярамас тьютор бизга қор тозалатди. Декан ва кафедра мудири жим қўл қовуштиришди. 22 январ куни қор тозалаб қимматли дарсларимиздан қолиб кетиб, билим ололмай қолдик» – дейди Ахборот технологиялари менежменти йўналиши талабалари. Болаларча соддалик билан ёзилган бу шикоятда ёшлар мажбурий меҳнатга жалб қилинганидан норозилигини таъкидлашмоқда. Қор кураш 22 январ куни бўлган, шикоят 25 январда йўлланмоқда. Элтуз аксарият ҳолларда ожиз шикоятчи томоннинг «ҳақиқатини» ёритади. Бироқ холислик нуқтаи назаридан эътироф этишимиз лозим: ҳозир сессия даври, қимматли билимлар бериладиган дарслар кейинги семестрдан бошланади. Тьюторнинг исмини ошкор қилмаймиз, чунки буйруқ берган декан бир четда омон қолиб калтак айнан шу ходим бошида синишини тушунамиз. Университет ректори Тошқуловга эса қор курайдиган техника сотиб олишни тавсия қиламиз. Йилда бир ёққан қалин қорни кураш/ўйнаш талабаларингизга завқ бағишламас экан, улар ҳозир имтиҳон талвасасида. (САРКАЗМНИ ТУШУНГАНЛАР ТУШУНДИ) 👉 ХАБАР БЕРМОҚЧИ БЎЛСАНГИЗ ЁКИ МУРОЖААТ ЙЎЛЛАМОҚЧИ БЎЛСАНГИЗ 💬Telegram |📱Facebook | 🐦Twitter |📱Instagram |📺YouTube

ЎЗБЕК РИЖОЛЛАРИ ҚОТИЛЛАР ЭМАС, ҚУРБОННИ АЙБЛАМОҚДА Истанбулда чиқинди қутисида аёл кишининг парчаланган жасади топилгандан сўнг жамоатчилик норозилиги кескин ошди. Жиноятдан сўнг Туркияда аёлларга нисбатан зўравонликка қарши оммавий намойишларга чақириқлар янгради. Аёллар ҳуқуқларини ҳимоя қилувчи ташкилотлар ва фуқаролар марш ўтказишни режалаштирган. Марҳуманинг Ўзбекистон фуқароси эканлиги бизнинг тармоқларда ҳам кескин норозиликларни юзага чиқарди. Жумладан, ўзбекнинг қоракўз эркаклари аёлларни Туркияга бориб ишлашига қарши намойиш эълон қилди. Агар аёллар хорижга ишлагани кетиб, жим юрмас ва ғурури тоғлардан баланд ўзбек эркаки ориятини кўтариб юрмас экан, барчани мана шундай тақдир кутиши билан огоҳлантирмоқдалар. Марҳума Дурдонанинг Истанбулда қонуний ҳалол иши ва икки норасида боласи борлиги эса ҳеч кимни қизиқтиргани йўқ, ҳолбуки қотиллар Дурдонага ҳаром иш, яъни вақтинча ўйнаш бўлишни таклиф қилишган. Аёл эса рад жавобини бергани учунгина бугун ҳаёти мана шундай машъум якун топди. Тармоқларда аёлни қоралаш операциясига бугун 7 ёшдан 70 ёшгача бўлган аёл-эркак ўзбек қоракўзи қўшилган. Қотиллар Ўзбекистонга келишга улгуриб қолганида қаҳрамон ясаб, картасига пул тўплаб берарди бу оломон. Авваллари бу каби қотилликларни асосан, кофирларни сўйишни орзулаган жиҳодчилар оқлаган. Сўнгги йилларда ўзини зиёли қатлам вакили санайдиган одамлар ҳам қурбонлар шаънини таҳқирлаш ва фемицидни ёқлаш билан банд. Ёшлар агентлигининг мактабларда тарғибот-ташвиқот ишларини олиб борувчи экс-ЁшИТи Аҳаджон Раҳимов исмли шахс ҳам бугун тармоқда Туркияга ишлашга кетган аёлларни фоҳиша деб атаб, уларга ачинмасликни тарғиб қилмоқда. Аёллар ҳуқуқи фаоли Диоранинг ёзишича, гаплари болаларнинг қулоғига етиб борадиган бу каби етакчиларни мактаб остонасига киритиш катта хавф. Тан олайлик, маънавиятчилару, ёшитчилар энг бемаза касб, жамият чиқиндисига айланиб боряпти, чунки уларнинг қиладиган ишининг тайини йўқ. Шундан бекор қолганидан бу жамият қусуғлари миллат аёлини ҳақоратлайди, ўлдиришга тарғиб қилади, нафрат уруғини сочади. Жамиятнинг энг охирги сортлари сараланиб, ўзи ё маънавиятчига айланади, ё агентлик тарғиботчисига айланади. Булар офисларнинг бир бурчакларида арзимас ойлик олиб, йўқолиб чириб кетса гўрга эди. Аммо улар маҳаллаларга киради, одамларга ақл ўргатади, мактабларда болалар онгини заҳарлайди. Ким буларга қўйибди тарғибот ишларини ўзлари тармоқда ўлдирилган одамга ачинмасликни тарғиб қилиб, унинг шаънини ҳақоратлаганда? Бу ташкилотни таг-туги билан ёқиб, итлари супуриб ташланса, жамият ҳеч қандай зарар кўрмайди. Болаларни олдига қўйманглар бунақа олабўжиларни, бундай тарғиботчилар эртага янги худкуш, эйкюси 0, аёлдан нафратланувчи бир гала подани етиштириб беради. Айни пайтда аёллар ҳуқуқи курашувчилари бу ва бошқа типлар устидан оммавий мурожаат ёзишмоқда 👉 ХАБАР БЕРМОҚЧИ БЎЛСАНГИЗ ЁКИ МУРОЖААТ ЙЎЛЛАМОҚЧИ БЎЛСАНГИЗ 💬Telegram |📱Facebook | 🐦Twitter |📱Instagram |📺YouTube

⚡️АНДИЖОН ВИЛОЯТИ МУДОФАА ИШЛАР БОШҚАРМАСИДА КИМ УЧУН ГУЛ ЭКИЛЯПТИ? Элтуз таҳририятига Андижон вилояти Мудофаа ишлар бошқармаси тизимида хизмат қилаётган ходимлар номидан мурожаат келиб тушди. Мурожаатда билдирилишича, бошқарма бошлиғи подполковник Абдураҳмонов Элёрбек Анварович лавозимга тайинланганидан сўнг шахсий таркибга нисбатан хизмат вазифаларига алоқадор бўлмаган қатор топшириқлар кўпайган. Ходимлар иддаосига кўра, туман ва шаҳар мудофаа ишлар бўлимлари раҳбарлари орқали ҳар бир бўлимда ишловчи ходимлар ўз ҳисобидан қимматбаҳо гуллар ва арча дарахтларини сотиб олиб экишга мажбурланмоқда. Айтилишича, бу ишлар мажбурий кўринишда амалга оширилган. Мурожаатда таъкидланишича, ходимлар ўз маблағлари ҳисобидан экиб берган арча дарахтлари ва гулларнинг катта қисми кейинчалик қор остида қаровсиз қолиб кетган. Натижада экилган кўчатлар сақланиб қолмаган, харажат эса ходимларнинг шахсий ҳисобидан қопланган. Элтуз таҳририяти Андижон вилояти Мудофаа ишлар бошқармасидан ушбу ҳолат юзасидан расмий муносабат билдиришни сўрайди. 👉 ХАБАР БЕРМОҚЧИ БЎЛСАНГИЗ ЁКИ МУРОЖААТ ЙЎЛЛАМОҚЧИ БЎЛСАНГИЗ 💬Telegram |📱Facebook | 🐦Twitter |📱Instagram |📺YouTube

⚡️ИЧКИ ИШЛАРНИНГ ТЕМИР ҚИЁФАСИ – СОВЕТ ТУЗУМИДАН ҚОЛГАН ЁДГОРЛИК Ички ишлар тузилмаларидаги босим, инсон қадри йўқлиги, ҳақорат ва қуллик анъанаси кеча пайдо бўлгани йўқ. Бу тартиб СССР пайтида ҳам бор эди, Ўзбекистон мустақилликка эришгандан кейин ҳам сақланиб қолди, ҳозир ҳам амалда ўзгармаган. Нега тизимнинг хусусиятлари бир асрдан бери ўзгармайди? Аввало, Ички ишлар органлари моҳиятан жамиятни назорат қилиш учун яратилган. СССР даврида милиция халққа хизмат қилувчи орган эмас, давлат хавфсизлигини таъминловчи, қўрқув орқали тартиб ўрнатувчи механизм эди. Унинг асосий вазифаси фуқароларнинг тизимга итоатни таъминлаш бўлган. Шу сабабли инсон қадри, шахсий ҳаёт, дам олиш деган тушунчалар иккинчи даражали ҳисобланиб, хизмат ҳамма нарсадан устун қўйилган. Мустақилликдан кейин бу тузилма шаклан ўзгарди, лекин мазмун-моҳият сақланиб қолди. Давлат мустақил бўлгани билан хавфсизликка бўлган ёндашув советча қолди. Амалда ҳатто раҳбарияти янгиланмаган ички ишлар органлари фақат миллий рамзлар билан қайта безатилди. Кадриятлар ҳам, бошқарув услуби ҳам ўша-ўша бўлиб қолди. Тизим ўзини ислоҳ қилишга қизиқмади, чунки юқорида уни қўллаб қувватлашди, пастда эса қаршилик кўрсатилмади. Ички ишлар тизимида раҳбар жамоа билан ишлаш, мотивация бериш ёки инсон сифатида қадрлашни билмайди. Улар фақат таҳдид ва босим билан бошқаришни билади. Бу усул раҳбар учун энг осони, чунки фикрлаш, тушунтириш, масъулиятни ҳис қилиш шарт эмас. Қўрққан одам буйруқни бажаради, лекин ундан садоқат кутманг. Совет давридан қолган “план бажариш” менталитети ҳали ҳам тирик ва айнан ички ишлар тизимида яққол акс этади. Раҳбарлар учун энг асосийси – юқорига яхши ҳисобот бериш. Қандай қилиб? Қачон? Қандай бадал эвазига? Бу саволлар иккинчи даражали. Шахсий таркиб чарчадими, оиласи вайрон бўляптими, соғлиғи ёмонлашдими – бу раҳбарга қизиқ эмас. Унинг асосий мақсади – лавозим ва унвон. Ички ишлар тизимида раҳбарлар ходимларнинг руҳий ҳолати, оилавий муаммолари, ажримлар, чарчоқ, суицид ҳолатлари, касалликларда ўзини масъул деб билмайди. Бу кўрсаткичлар ҳисоботда йўқ. Демак, раҳбар ҳам бу ҳақда ўйламайди. Бу тизим – ҳеч қачон ўзгармайдиган ёпиқ силсила. Кеча босим остида ишлаган ходим, эртага раҳбар бўлгач, худди шу усулни қўллайди. Бу совет давридан қолган, мустақиллик йилларида ислоҳ қилинмаган, ҳозир эса инерция билан ишлаб келаётган бошқарув маданияти. Уни ўзгартириш учун “инсон қадри” шиор бўлиб қолмасдан, тизим ичида қоидага айланиши керак. Акс ҳолда, даврлар алмашади, президентлар ўзгаради, лекин ички ишлар ходими инсон сифатида қадр кўрмайди. 👉 ХАБАР БЕРМОҚЧИ БЎЛСАНГИЗ ЁКИ МУРОЖААТ ЙЎЛЛАМОҚЧИ БЎЛСАНГИЗ 💬Telegram |📱Facebook | 🐦Twitter |📱Instagram |📺YouTube