Ustoz oʻz oʻquvchisini kamondan oʻq uzishga oʻrgatayotgan edi. Oʻquvchi kamonni va ikkita oʻqni olib, mashq bajarishga shaylandi. Biroq, Ustoz uning oldiga borib, undan oʻqning birini olib qoʻydi. — Nima uchun ikkinchi oʻqimni olib qoʻydingiz? — soʻradi oʻquvchi. — Men sendan ikkinchi oʻqingni emas, birinchi oʻqingni olib qoʻydim, chunki birinchi oʻqing baribir nishonga tegmas edi. — Ammo nima uchun? — hayrat bilan soʻradi oʻquvchi. — Chunki oʻq uzayotib, sen zaxirada yana bitta urinish borligini anglab turgan boʻlar eding, mana shu xotirjamlik, insonning eng katta dushmanidir, — dedi Ustoz.
P.S.: "Hali vaqt bor" yoki "Keyinroq imkon boʻladi" deb umringizni behuda oʻtkazib yubormang! Har bir imkondan oxirgisi kabi foydalaning. Shundagina muvaffaqiyatga erishasiz!
