Телеграм канал «Jeynov shaharchasi “Chorgumbaz” jome’ masjidi»

Шаҳр ибн Ҳавшаб розияллоҳу анҳу Умму Салама розияллоҳу анҳога: «Эй, мўминларнинг онаси! Расулуллоҳ соллаллоҳу алайҳи васаллам сизнинг олдингизда бўлганларида аксари дуолари қандай бўлар эди?» – деди. Умму Салама розияллоҳу анҳо: «У зотнинг дуолари: “Я муқаллибал қулуб саббит қолбий ъалаа дийник»”, эди, дедилар.

(Маъноси: Эй қалбларни ўзгартирувчи, қалбимни динингда собит қил).

Имом Термизий ривояти.

telemetr.me/Jeynov_Chorgumbaz_jome_masjidi

АССАЛОМУ АЛАЙКУМ ВА РОҲМАТУЛЛОҲ!

Якшанба тонги муборак бўлсин, азиз қадрдоним! ☕️

Аллоҳ таоло бу кунни сиз ва яқинларингиз учун хотиржамлик, қувонч ва барака куни қилсин. Дам олиш кунидан унумли фойдаланиб, қалбингизга ором беринг:

✨ Бугунги кун учун 3 та кичик тавсия:

1. Оилага вақт ажратинг. Фарзандлар билан суҳбатлашинг, ота-онангизнинг ҳолидан хабар олинг. Оиладаги меҳр — энг катта бойликдир.

2. Шукр қилинг. Тинчликда уйғонганингиз, соғлигингиз ва дастурхонингиздаги неъматлар учун Роббимизга ҳамд айтинг.

3. Янги ҳафтага режа тузинг. Эртанги иш кунини хайрли ниятлар ва ихлос билан бошлаш учун бугун руҳан тайёргарлик кўринг.

🤲 Дуо: "Ё Роббим! Хонадонларимизга файз, ризқимизга барака ва қалбларимизга Ўзингнинг муҳаббатингни солгин. Ушбу дам олиш кунимизни хайрли амаллар билан зийнатлагин."

Кунингиз мазмунли ва файзли ўтсин! 😊☀️

😎telemetr.me/joinchat/AAAAAFLbtImNQqKWruwBuA

Беморни бориб кўриш ва ҳолидан хабар олиш фазилати

Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи ва саллам бундай дедилар: «Аллоҳ азза ва жалла қиёмат кунида бундай дейди: «Эй одам боласи, мен касал бўлдим, мени кўргани келмадинг!»
  Банда: «Ё Рабб, Сени қандай қилиб кўргани бораман, ахир Сен оламларнинг Раббисан-ку?» – дейди.
Аллоҳ: «Билмас­мидинг, фалончи бандам касал эди, уни кўргани борма­динг? Билмасмидинг, агар сен уни кўргани борганингда унинг ҳузурида Мени топардинг?...»
Имом Муслим ривояти.

Яна бир ҳадисда:
Абу Ҳурайра розияллоҳу анҳудан ривоят қилинади:«Набий соллаллоҳу алайҳи васаллам: «Мусулмоннинг мусулмондаги ҳаққи бештадир: саломга алик олиш, беморни кўриш, жанозага эргашиш, даъватига жавоб бериш ва акса ургувчига яхшилик тилаш»,дедилар».
Бешовлари ривоят қилишган.

Шарҳ: Ушбу ҳадиси шарифда зикр қилинган нарсалардан ҳозир биз учун кераги беморни кўришдир. Қолганлари барчаси ўз ўрнида келади. Бемор бўлган мусулмоннинг бошқа мусулмонлар устидан ҳаққи бор. У ҳам бўлса, улар келиб беморни зиёрат қилиб, кўнгил сўраб, ҳаққига дуо қилиб кетишлари экан. Ушбу ҳадиси шариф ҳукми бўйича бемор бўлган мусулмон ҳақида хабар эшитган бошқа мусулмонлар уни бориб кўришлари бемор олдида бурчлари ҳисобланар экан. Шунинг учун ҳам қайси бир дин қардошимизнинг бемор бўлганини эшитсак, уни кўргани боришга шошилишимиз керак. Ўша биродаримизнинг биздаги ҳаққини адо этмоғимиз уни бориб кўриб, кўнгил сўраб, ҳаққига дуо қилишимиз билан бўлад.

Миришкор туман ва Чоргумбаз жоме масжиди имом хатиби: Муродов Шуҳратхон.

telemetr.me/Jeynov_Chorgumbaz_jome_masjidi