Телеграм канал «በክርስቶስ ( in christ)»

በክርስቶስ ቻናል 1500 እያለፍን ነው 😁 ። የበክርስቶስ ቤተሰቦች ስለ ቤተሰብነታችሁ እናመሰግናለን ።  ቻናሉ 8 አመት ሞልቶታል ። 8 አመት የመቆየቱን ያክል ብዙ አልሰራንበትም ። በቀጣዩ ጊዜ አሻሽለን በተከታታይነት መፀሃፍ ቅዱሳዊ መሰረት ያላቸውን ሀሳቦች ፣ ተልዕኮ ተኮር የሆኑ ፣ ወደ ተግባራዊ ህይወት (Devotional ) የሚጋብዙን ይዘት ያላቸውን ስራዎች ጨምረን ለመስራት እንሞክራለን ።

ቢሻሻል ፣ ቢጨምር ፣ ቢታረም ፣ ቢቀጥል የምትሉትን አስተያየታችሁን በዚህ በኩል 👉@filicross ሀሳባችሁን መስጠት ትችላላችሁ ።

@cgfsd

ምናልባት አንዳንዱን ነገር አጥርተን የምናየው በእምባ በረጠቡ አይኖቻችንስ ቢሆን?!


✍️ አበበ አብዲሳ
@cgfsd

ጌታዬ ድምፅህ ውስጥ ልብ አለ
 ለአፍታ የሰማህ እግርህ ስር ዋለ
አባቴ ልብህ ውስጥ ድምፅ አለ
አንተኑ ያገኘ ሸክምን ተካፈለ

(የመስቀል እሳቤ)


በቆሮንቶስ መፀሃፍ ሐዋሪያው ጳውሎስ መስቀልን የመስቀሉ ቃል በማለት መስቀሉን ይጠራል(1ቆሮ 1:18) ። ግሩም አገላለፅ ነው ። የመስቀሉ ቃል የመስቀሉ ስራ እንደማለት ነው  ። የመስቀሉ ቃል የመስቀሉ ስራ ተብሎ ሊገለፅ ይችላል ። ሐዋሪያው ጳውሎስ መስቀሉን ሲገልፅ ስለ አሰቃቀል ሂደቱ ወይም ስለ ቢስማሩ አልፎ ጅራፉን ሲጠቅስ ወይም ሲያነሳ አናይም ፤ ይልቁን የመስቀሉን ምክኒያት የመስቀሉን ስራ ውጤት ያብራራል ። መስቀል አንድ በቀራንዮ ላይ የተከናወነ የአንድ ቀን ክስተት ሳይሆን እንደ ቅዱስ ጳውሎስ ውጤቱ የቀጠለና ምክኒያቱም ስለሰው ልጅ ድነት የሆነ አድርጎ ያስቀምጥልናል ። ለዚህም ነው የመስቀሉ ስራ ውጤትና ምክኒያት ላይ ትኩረት ስላደረገ ጳውሎስ የመስቀሉ ቃል የሚለውን ቃል ስለ መስቀል ስራው ወካይ አድርጎ ያስገባውል ። የመስቀሉ ቃል መስቀሉን የሚገልፅ ድንቅ ቃል ።

@cgfsd

(መንፈሱና መስቀሉ )


በቆሮንቶስ መፀሃፍ ላይ መስቀል ጥበበ እግዚአብሔር ነው ። መስቀል በቆሮንቶስ መፀሃፍ ላይ እንዴት ተገለጠ ብንል ጥበብ እግዚአብሔር የሚለው መልስ ገላጭ ሁኖ እናገኘዋለን ። መስቀል የእግዚአብሔር አስደናቂ ጥበብ እንደሆነ ስዕል ይስልናል ። ጥበቡም የእግዚአብሔር ሃይል ፣ እቅድ ፣ ርህራሄ ፣ ማዳን ፣ ፍቅር ፣ቸርነት ፣ የፀጋውን ባለጠግነት ፣ ልብ የሚገልጥ ጥበብ ነው ። እግዚአብሔር ለአለሙ ምስቅልቅል የሰጠው መልስ በጥበብ ነው እርሱም መስቀል ነው ። ጥበብ እንደመሆኑ መጠን መስቀል በእግዚአብሔር ልብ ውስጥ ያለው ምክር ለመረዳት መንፈስ ቅዱስ ያስፈልጋል ። መንፈስ ቅዱስ የእግዚአብሔር ጥልቅ ነገር የሚገለጥበት የእውነት መንፈስ ነው ። ስለዚህ የጥበቡን ጥልቀት ለመረዳት የመንፈሱ እርዳታ ያስፈልጋል ። መግለጥ የመንፈሱ ስራ ነውና ።  በቆሮንቶስ መፀሃፍ የመስቀሉን ጥበብነት ሲገልጥ በአይን ያልታየ፣ በሰው ልብ ያልታሰበ(1ቆሮ 2:5) በማለት እቅዱ የእግዚአብሔር ብቻና አስደናቂ  እንደሆነ ይነግረናል።  መንፈሱን ደግሞ በመስቀሉ ዙሪያ የሚኖረው ሚና ገላጭ ነው ይለናል ።
 
  ይሁን እንጂ፣ እንደ ተጻፈው፣
“ዐይን ያላየውን፣
ጆሮ ያልሰማውን፣
የሰውም ልብ ያላሰበውን፣
እግዚአብሔር ለሚወዱት አዘጋጅቶአል፤”
እግዚአብሔር ግን ይህን በመንፈሱ አማካይነት ለእኛ ገልጦልናል።
መንፈስም የእግዚአብሔርን ጥልቅ ነገር እንኳ ሳይቀር ሁሉን ይመረምራል።  በውስጡ ካለው ከራሱ መንፈስ በስተቀር ከሰው መካከል የአንድን ሰው ሐሳብ የሚያውቅ ማን አለ? እንደዚሁም ከእግዚአብሔር መንፈስ በስተቀር፣ የእግዚአብሔርን ሐሳብ የሚያውቅ ማንም የለም።
1 ቆሮንቶስ 2:9-11

   በነገራችን ላይ ይሔ ጥቅስ ስለ መስቀሉ እንደሚያወራ ልብ ማለት ያስፈልጋል ።

የእግዚአብሔር ጥበብ የሆነውን የመስቀል ስራ በመንፈሱ አብሪነትና አስረጂነት ይብራራል ። ጥልቅ የመስቀሉን እውነት ለመረዳት የመንፈሱ አስረጂነት ያስፈልጋል ።


@cgfsd

የነርሲያው ቤኔዲክት ፀሎት


ቸርና ቅዱስ አባት ሆይ፤
ማንነትህ የማስተውልበት ጥበብ፣
አንተን የምረዳበት ብሩህ ልቡና
አንተን የምሻበት ትጋት
አንተን የምጠብቅበት ትዕግስት
አንተን የማይባቸው ዐይኖች
አንተን የማሰላስልበት ልብ
አንተን የማውጅበት ሕይወት
በመንፈስ ኋይልና በጌታችን
በኢየሱስ ክርስቶስ ስጠኝ ።

@cgfsd

ፀጋ መቼም ቢሆን በኋጢያተኞች ላይ ፊቱ አይጠቁርም ፤ ለኋጢያት ደግሞ ፊቱ ፈገግ አይልም።

በርናባስ ዘመኔ
@cgfsd