Телеграм канал «በክርስቶስ ( in christ)»

Problem of evil እከይ ወይም በምድር ላይ ሆነ በህይወታችን ላይ የሚመጥብን ክፉ ነገሮች እንደ ሰውም እንደ ምድር ላይ ነዋሪም ለምን የሚል ጥያቄ እናነሳለን ( የህመም ጉዳዩች ፣ የተፈጥሮ አደጋ ፣ ሞት ፣ ስቃይ ፣ ጭካኔ ...ብዙ ብዙ )። የማቴዎስ ወንጌል በተራራው ስብከት ላይ problem of evil ለምን እንደዚህ ሆነ ብሎ ከማብራራት ይልቅ መፍትሔው ላይ ትኩረት ያደርጋል ። መፍትሔውም የእግዚአብሔር መንግስት መገለጥ ነው ይለናል ። የእግዚአብሔር መንግስት መገለጥ ደግሞ እንደ ማቴዎስ ወንጌል ሁለት አይነት መልክ አለው ። የመጣና የሚመጣ መንግስት ነው ። የእግዚአብሔር መንግስት መጥቷል ንጉሱ መሲህ በመምጣቱ አገዛዙ መንግስቱ በዚህ ምድር  ይፋዊ በሆነ መንገድ መጥቷል፤ ደግሞ ንጉሱ ክርስቶስ ኢየሱስ በዳግም መምጣቱ ሁሉን ሊገዛ ይመጣል መንግስቱም በፍፅምና ይመጣል ።  የእግዚአብሔር መንግስት የመጣና የሚመጣ ነው ።

በአሁን በመምጣቱ ለሰው መንፈሳዊ ነፃነት በመስጠት ፣ የህይወት ለወጥ በማድረግ ፣ የጨለማው መንግስትን በመግለጥ፣ እውነተኛ ሰላም በማቀናጀት ፣ ፅድቅ በቤተክርስቲያን በኩል ለአለም በማስተዋወቅ፣ በማፅናናት ፣ ፍቅር በመስጠት problem of evil እየገለጠና አቅም እያሳጣ አለ ። በሙላት ሲመጣ ደግሞ ክፋት ፈፅሞ ይጠፋል ይደመሰሳል ። ያኔ መልስ ያጣንለት ለምን እንደዚህ ሆነ እየተባለ የሚነሱ የለምን ጥያቄ በመንግስቱ በሙላት መገለጥ ውስጥ ግሩም መልስ ያገኛል ። የእግዚአብሔር መንግስት አሁን በመካከላችን መኖሩ በመገኘቱ በማፅናናትና ህይወትን በማካፈል መልስ እየሰጠን ሲሆን በሙላት ወደፊት መምጣቱ ደግሞ ፈፅሞ መልስ ይሰጠናል ።  መፍትሔው የእግዚአብሔር መንግስት ነው ።

@cgfsd

የእግዚአብሔር መንፈስ መፀሃፍ ላይ የተወሰነ እይታ


የእግዚአብሔር መንፈስ የተሰኘው መፀሃፍ በተገኝ ሙሉጌታ የተፃፈ ነው ። መፀሃፉ የሚያጠነጥነው ነገረ መንፈስ ቅዱስ በዘመናት ውስጥ ያለው ምልከታ ያስረዳል። መፀሃፋ ታሪካዊ ነገረ መንፈስ ቅዱስ በመሆኑ ሚዛናዊነት ለየትኛው ቤተ-እምነት የማዳላት አዝማሚያ አይታይበት ። ይህም የመፀሃፉ ጥሩ ጉን ተደርጎ መወሰደ ይገባዋል። በልፋት እንደተሰራ ሰፊ ዝግጅት ለመኖሩ አቀራረቡና ብዛትና ወገንተኝነት የሌላቸው ዋቢ መፃሕፍት ብዛት ያስታውቃል ።

መፀሃፉ ነገረ መንፈስ ቅዱስ ላይ የተነሱን ጥያቄዎችና ሙግቶችን በማንሳት ይጀምራል  ከዛም መፀሃፍ ቅዱሳዊ ነገረ መንፈስ ቅዱሳዊ እይታ በብሉይም ሆነ በአዲስ ኪዳን ያሉት ያብብራራል ። በብሉይ ኪዳንና በአዲስ ኪዳን መካከል የነበረውን የሁለተኛ ቤተመቅደስ ዘመን በማንሳት የቁምራን ማህበረስብ ፣ ጁዲዝም ምልከታን ፣ ሙት ባህር ጥቅልል በማንሳት የአዲስ ኪዳን ዘመን ይሻገራል ይሔ የተሻለ ታሪካዊ እውነት እንዲኖረን መሰረት ይጥላል ። የአዲስ ኪዳን መፀሃፍት ለማብራራት ከተመሳሳይ ወንጌል ሲነሳ ከማርቆስ ወንጌል በመነሳት (markan priority ) የተጠቀመ ሲሆን በመቀጠል ከዩሀንስ ወንጌል በፊት luke-act መጠቀሙ ሉቃስ የታሪክ ሰው ብቻ ነው ወይስ ስነመለኮትም የሚለውን ክርክር ሳያነሳ በተሻለ የወጥነት ምልከታ እንድናይ ያግዛል ። ሐዋሪያት ስራን ከታሪክ መፀሃፍ ባለፈ መንፈስ ቅዱስ በተልዕኮ መነፀር ለማየት ይጋብዛል ።

የመፀሃፍ ቅዱስ ማብራራቱን ወደ አበው ዘመን በመሻገር የቤተክርስቲያን ታሪክ ውስጥ የነበሩን ነገረ መንፈስ ቅዱሳዊ ምልከታዎችን ፣ ኑፋቄዎች ረጅም ሽፋን ይሰጠዋል ። ይህ ደግሞ የአበው ዘመን ላይ binary መልክ አለ ወይ ለሚለው መስመር የወጣ ጥያቄ የተሻለ ሀሳቦችን በማጥራት ለሚነሱ ውዝግ ለስለስ ያለ ግልፅነት ያስጨብጣል ። የምስራቁንና የምዕራቡ ቤተክርስቲያን ልዩነት በግልፅ ማነፃፀሩ ትኩረት ከየት መጀመር እንዳለበት ለማሳየት ጥሯል ከተግባራዊ ህይወት አንፃር። ከዛሞ የተሐድሶን ዘመን በመምጣት በሉተር ፣ ዝዌንጊሊ ፣ ካልቪን በኩል  የተነሳውን የነገረ መንፈስ ቅዱስ በንፅፅር ከቤተክርስቲያን ዘመን ያስቀምጠዋል ።ድህረ ዘመናዊነት ዘመን ድረስ ያሉትን የአብርሆት አስተሳሰቦችን ምን አይነት ጫና እንዳላቸው ይጠቁመናል ።

የጴንጤቆስጣዊያን ታሪክና ተፅዕኖ በስርአት ከተደገፉ ማስረጃዎችና ለብቻተው አንድ ምዕራፍ በመስጠት በሌሎች ቤተ-እምነት የመጣውን ተፅዕኖ አለማቀፋዊ ይዘት ይሰጠዋል ።  በተለይም የጴንጤቆስጤዊነትና ካሪዝማቲክስ እንቅስቃሴን ድንበር በማበጀት ለየብቻ ይተነትናቸዋል ፤ የሁለቱ ይዘትና ቅርፅ በብዙዎች ግርታትን የሚጭር መሆኑ ገለፃ መደረጉ ትልቅ አስተዋፆን ያመጣል ። የካርዝማቲክስ እንቅስቃሴ ለኢኩሚኒካል አንድነት ያደረገውን በረከት
(ካቶሊክ፣አንግሊካን ፣ ሉትራን) መጠቀሱ የመፍትሔው አካል ያረገዋል ።

የአፍሪካን ነገረ መንፈስ ቅዱስ መልካቸው እንዴት እንዲህ ሊመጡ እንደቻለ በተቻለ መጠን ለማብራራት መሞከሩ በልዩነት የራሳችን መልክ እንድገነዘብ የሚያስችል ነው ። ከፍረጃና ከእውነታ ከራቀ ሃሳባዊ ከመሆን ምን ላይ ነበረን የሚለውን በአፍሪካዊ ነገረ መንፈስ ቅዱስ እውነታ ውስጥ ያስገነዝበናል ። ምንስ መስራት እንዳለብን ይጠቁማል!ድህረ ዘመናዊነት ይዞብን የተደቀነውን ዘመናዊውን ነገረ መንፈስ ቅዱስ ከታሪካዊውና ከመፀሃፍ ቅዱሳዊ ነገረ መንፈስ ቅዱስ ከባህል ጋር አጣጥመን አውዳዊ እናርገው የሚል የተሰራውን እንጠብቅ ደግሞ እንስራ የሚል ሸክም ያለበት ጥሪ ያቀርብልናል ።

በተለይም መንፈስ ቅዱስ ከፀጋ ስጦታ ፣ ከልምምድ ፣ ከዶክትሪን ፣ በቤተክርስቲያን ሲገደብ በመፀሃፉ ስለማህበራዊ ፍትህ፣ ስለድሆችም ጭምር ነው በማለት ይሞግታል ። መንፈስ ቅዱስ ለማህበረሰቡ በፍትህ ፣ በርህራሄ ይደርሳል (public sprit) በማለት ቤተ-እምነታዊ ባለፈ ለሁሉ የተገባ እንደሆነ ይሞግተናል ።  ቀጥሎም ከፍጥረት ጋር ያለው ግንኙነት በማንሳት በዓለም የሚያገባው በስራ ላይ ያለም ነው የሚል የሰፋን እይታ ይጭርናል ። መፀሃፉ የቤት-ስራ ሰጥቶን የሚያጠናቅቀው ። ነገረ መንፈስ ቅዱስ ያልሰራነው ብዙ ጎኖች እንደሆኑ ይነግረናል ። እንደ ምክረ ሀሳብ ያቀረበልንም ጉዳይ ለዘመናዊ አሁናዊ አለም መፍትሔው ነገረ መንፈስ ቅዱስ ነው ። እንዲሁም የአንድነት ድምፅ ይዞ  ልንሰራው የሚገባው ግልፅ ስራ እንደሚያሻን በመጠቆም ያጠናቅቃል።

የተወሰኑ ቢሻሻሉ የምላቸው ትንሽ እይታዎቼ የመፀሃፉ ፎንት ከተለመደው የተለቀ ይመስላል ምቾት አይሰጥም ፣ የቤተክርስቲያን ታሪክ ተነስቶ የተብራራት መንገድ ግሩም ነው ነገር ግን ስርፀት የመሰለ የምስራቁንና የምዕራቡን ቤተክርስቲያን መካከል አንገብጋቢ ጉዳይ ሰፋ ያለ ሽፋንና የሙግት ነጥቦች ከዚህ በላይ ቢጨመርበት ፣ ታሪካዊ ነገረ መንፈስ ቅዱስ ሀሳቦችን እይታ ተኮር ገለፃ ከሚደረግ ሙግታዊ በሆነ መንገድ ትረካው ቢደገፍ አንባቢውን ከዚህ በበለጠ ለፍለጋ ያነሳሳዋል ፣  contemporary ስራ ላይ የነበሩን አለም አቀፋዊ ክፍተቶች ከመስመር የወጡን ነገረ መንፈስ ቅዱሳዊ ስራዎች ታሪካዊ እንደመሆኑ ቢነሱ ለምሳሌ ጀምስ ደን በተደጋጋሚ እንደ ዋቢ ተጠቅሷል ነገር ግን አንዳንዱ የእሱን እይታዎች ለአንባቢ ቢቀመጥ ታሪካዊ ሚዛን ይጠበቃል አንባቢውም ይጠበቃል ።

ለቤተክርስቲያን ጠቃሚ የሆነ ስራ እንደሆነ ምንም ጥርጥር የለውም ። በተገኘበት ይነበብ !

@cgfsd

ተመሳሳይ ወንጌላትን(ማቴዎስ፣ ማርቆስና ሉቃስ) ስናነብ ወይም ስናጠና አንዱን የወንጌል መፀሃፍ ከሌላው ጋር በማስተያየት ማንበብ ወይም ማጥናት ጥሩ አማራጭ ሊሆን ይችላል ። በሶስቱ ወንጌላት ውስጥ የታሪክ ፣ የአተራረክ፣ የተአምራት ፣ የትምህርት መመሳሰል ይታይባቸዋል ።በስፋት የሚታመነው ማቴዎስ ወንጌል በመመልከት መነሻ በማድረግ ማርቆስና ማቴዎስ እንደፃፉት ይናገራሉ ፤ ሌሎች ደግሞ የማርቆስ ወንጌል ቀደም ተብሎ ተፅፎ ማቴዎስና ሉቃስ አንደመነሻ እንደተጠቀሙበት ይናገራሉ ። ይሔ የሚያሳየው መለያየትም ቢኖር በተመሳሳይ ወንጌላት ላይ የመሳሳል ይዘት እንዳለ ነው።  የተፃፉበት አፃፃፍ መንገድ ቢለያይም እንኳን ተመሳሳይነት አላቸው ።  ስለዚህ ወንጌላት በስርአት በጥልቀት ለማንበብና ለማጥናት ስንነሳ የተመሳሳይ ወንጌላትን መፀሃፍት እርስ በእርስ እያመሳከሩ ማንበብ በጣም ወሳኝ መንገድ ነው ።  የመፀሃፍ ቅዱሱ የመጀመሪያው ኮመንተሪ ራሱ መፀሃፍ ቅዱስ የሚባለው ለዚህ ነው ።

@cgfsd

የእግዚአብሔር መንግስት ማለት የእግዚአብሔር ንጉሳዊ አገዛዝ ሲሆን በእግዚአብሔር መንግስት ውስጥ መኖር ደግሞ የንጉሱ ህዝብ መሆን ነው ። 

@cgfsd

ህይወት ያለበት ምስክርነት ። የይቅርታ ልብ የፀጋው ውጤት ነው ። እግዚአብሔር ሲረዳ ብቻ ነው ይቅር ማለት የሚቻለው ምክኒያቱም ምህረት የእግዚአብሔር ነው ። የሚምር ደግሞ ከአምላኩ ጋር ይተባበራል ። እንደ ይቅርታ ልብ ውብ ልብ የለም የፀጋው መኖሪያ ስለሆነ ።

https://youtu.be/PL3CdkiGaOY?si=tlssxJTVf9VX-R6o

#Intimacy of kingdom
   (የህብረት መንግስት)


በወንጌላት መፀሃፍት መካከል የእግዚአብሔር መንግስት የሚለው ሀሳብ ተደጋግሞ እናገኘዋለን ። በተለይም ቀጥተኛ በሆነ መንገድ በተመሳሳይ ወንጌላት በማቴዎዮስ ፣ ማርቆስና በሉቃስ በግልፅ እንመለከተዋለን ። በዩሀንስ ወንጌል የእግዚአብሔር መንግስት ሀሳብ በስፋት ያለ ቢሆንም በቀጥታ ግን የእግዚአብሔር መንግስት የሚል ቃል ሲጠቀም አናገኝም ።

kingdom ማለት kingship administration(ንጉሳዊ አገዛዝን)  ይጠቁማል ። የእግዚአብሔር መንግስት ስንል የእግዚአብሔር ንጉሳዊ አገዛዝ እያልን ነው ። በእግዚአብሔር መንግስት መኖር ማለት ደግሞ ለገዢው እየተገዙ መኖር የሚል ትርጓሜ አለው ። የእግዚአብሔርን ንጉሳዊ አገዛዝ(የእግዚአብሔር መንግስት) በተመሳሳይ ወንጌላት  በማቴዎስ ፣ ማርቆስና ሉቃስ ላይ አጋንት በማስወጣት ፣ በሽተኞችን   በመፈወስና ተአምራት በማድረግ እየተገለጠ እንደሆነ ያሳያል ። መንግስት ሃይል አለው አጋንት ሲወጣ በጨለማው ላይ ሃያል መሆኑን ፣ በፈውስ ሲመጣ ነፃነት የሚሰጥ መንግስት እንደሆነ፣ ተአምራት በማድረግ ንጉሱ ለመግዛት ከተፈጥሮ በላይ ከሁሉ በላይ እንደሆነ ያሳያል ።

በዩሀንስ ወንጌል ውስጥ ተአምራት ቢኖር በትኩረቱ ግን የእግዚአብሔር መንግስት የዘላለም ህይወት በማለት ያቀርብልናል ፤ ይሔም የዘላለም ህይወት ወደፊት የምኖረው ብቻ ሳይሆን እግዚአብሔር የተወዳጀንበት እሱ የምናውቅበት እሱ የቀመስንበት ደግሞም ቀጥለን ለዘላለም ወደፊትም ይሔን ህብረት በሙላት ለእሱ በመገዛት የምንኖረው ህይወት ነው (ስለዚህ በዩሀንስ ወንጌል የዘላለም ህይወት ከእግዚአብሔር ጋር የሚኖር ወዳጅነት ፣ህብረት የሚል ይዘት አለው ) ።

ንጉሳዊው የእግዚአብሔር መንግስት አገዛዝ ህይወትን በመስጠት ፣ ህይወትን በመለወጥ ፣ ህይወትን በማካፈል ይገለጣል የእግዚአብሔር መንግስትን የዘላለም ህይወት በማለት ከእግዚአብሔር ጋር የሚኖር ግንኙነት አድርጎ ያስገነዝበናል ። የእግዚአብሔር መንግስት ሰው በእግዚአብሔር አገዛዝ ውስጥ በመሆን ከእግዚአብሔር ጋር በሚኖረው ግንኙነትና ህብረት(intimacy ) ይገለጣል ። የህብረት መንግስት ነው ። ንጉሱ ከህዝቡ ጋር በጥልቅ መጣበቅ የሚኖርበት ፣ ንጉሱ ከህዝቡ የሚወዳጅበት ፣ ህዝቡ በመገዛት ንጉሱም በመግዛት ህይወትን በመካፈል ጥልቅ ግንኙነት የሚደረግበት ነው ። በዩሀንስ ወንጌል የእግዚአብሔር መንግስት የህብረት መንግስት ነው ። kingdom with intimacy !! በእግዚአብሔር መንግስት መደሰት ለሚገዛው ለንጉሱ በመገዛት የሚገኝ ነው ይህም ህብረት(intimacy) ይባላል ።


@cgfsd