Телеграм канал «በክርስቶስ ( in christ)»

#Intimacy of kingdom
   (የህብረት መንግስት)


በወንጌላት መፀሃፍት መካከል የእግዚአብሔር መንግስት የሚለው ሀሳብ ተደጋግሞ እናገኘዋለን ። በተለይም ቀጥተኛ በሆነ መንገድ በተመሳሳይ ወንጌላት በማቴዎዮስ ፣ ማርቆስና በሉቃስ በግልፅ እንመለከተዋለን ። በዩሀንስ ወንጌል የእግዚአብሔር መንግስት ሀሳብ በስፋት ያለ ቢሆንም በቀጥታ ግን የእግዚአብሔር መንግስት የሚል ቃል ሲጠቀም አናገኝም ።

kingdom ማለት kingship administration(ንጉሳዊ አገዛዝን)  ይጠቁማል ። የእግዚአብሔር መንግስት ስንል የእግዚአብሔር ንጉሳዊ አገዛዝ እያልን ነው ። በእግዚአብሔር መንግስት መኖር ማለት ደግሞ ለገዢው እየተገዙ መኖር የሚል ትርጓሜ አለው ። የእግዚአብሔርን ንጉሳዊ አገዛዝ(የእግዚአብሔር መንግስት) በተመሳሳይ ወንጌላት  በማቴዎስ ፣ ማርቆስና ሉቃስ ላይ አጋንት በማስወጣት ፣ በሽተኞችን   በመፈወስና ተአምራት በማድረግ እየተገለጠ እንደሆነ ያሳያል ። መንግስት ሃይል አለው አጋንት ሲወጣ በጨለማው ላይ ሃያል መሆኑን ፣ በፈውስ ሲመጣ ነፃነት የሚሰጥ መንግስት እንደሆነ፣ ተአምራት በማድረግ ንጉሱ ለመግዛት ከተፈጥሮ በላይ ከሁሉ በላይ እንደሆነ ያሳያል ።

በዩሀንስ ወንጌል ውስጥ ተአምራት ቢኖር በትኩረቱ ግን የእግዚአብሔር መንግስት የዘላለም ህይወት በማለት ያቀርብልናል ፤ ይሔም የዘላለም ህይወት ወደፊት የምኖረው ብቻ ሳይሆን እግዚአብሔር የተወዳጀንበት እሱ የምናውቅበት እሱ የቀመስንበት ደግሞም ቀጥለን ለዘላለም ወደፊትም ይሔን ህብረት በሙላት ለእሱ በመገዛት የምንኖረው ህይወት ነው (ስለዚህ በዩሀንስ ወንጌል የዘላለም ህይወት ከእግዚአብሔር ጋር የሚኖር ወዳጅነት ፣ህብረት የሚል ይዘት አለው ) ።

ንጉሳዊው የእግዚአብሔር መንግስት አገዛዝ ህይወትን በመስጠት ፣ ህይወትን በመለወጥ ፣ ህይወትን በማካፈል ይገለጣል የእግዚአብሔር መንግስትን የዘላለም ህይወት በማለት ከእግዚአብሔር ጋር የሚኖር ግንኙነት አድርጎ ያስገነዝበናል ። የእግዚአብሔር መንግስት ሰው በእግዚአብሔር አገዛዝ ውስጥ በመሆን ከእግዚአብሔር ጋር በሚኖረው ግንኙነትና ህብረት(intimacy ) ይገለጣል ። የህብረት መንግስት ነው ። ንጉሱ ከህዝቡ ጋር በጥልቅ መጣበቅ የሚኖርበት ፣ ንጉሱ ከህዝቡ የሚወዳጅበት ፣ ህዝቡ በመገዛት ንጉሱም በመግዛት ህይወትን በመካፈል ጥልቅ ግንኙነት የሚደረግበት ነው ። በዩሀንስ ወንጌል የእግዚአብሔር መንግስት የህብረት መንግስት ነው ። kingdom with intimacy !! በእግዚአብሔር መንግስት መደሰት ለሚገዛው ለንጉሱ በመገዛት የሚገኝ ነው ይህም ህብረት(intimacy) ይባላል ።


@cgfsd

(ድሆችን ማስጎምዠት )

ድሃው ቄስ ታመው በአልጋ ውለዋል ። አንድ ጠያቂም መጥቶ:- " ለእርስዎ ሕመም መድኋኒቱ ቀላል ነበር " አላቸው ። እርሳቸውም :- " ምንድነው ልጄ ?" አሉት ። " የጎድን ስጋ ቀቅሎ ቂቤ ሁለት ማንኪያ ጣል አድርጎ፣ ቅመም ጨምሮ ትኩሱን ቢበሉበት ይነቀላል " አላቸው። ቄሱም ቀስ ብለው ከመኝታቸው ቀና አሉና :- " ያልከውን በሙሉ አንድ ሳታጓድል ካላመጣህ ገዝቼሃለሁ "። 
 
           ገፅ 24
  ረጅሙ ፈትል (ዲያቆን አሸናፊ መኮነን)
   
@cgfsd

ትርጉምን ፍለጋ

እምብዛም የሚያስመካ የሺህ አመታት ታሪክና ትውፊት (tradition) በሌለበት፣ የሚያማልል ስርዓተ-አምልኮ (liturgy) በሌለበት፣ በውል የተሰናሰለና የተደራጀ ወጥ አስተምህሮ (doctrine) እምብዛም በሌለበት ሁኔታ እስከ አሁን ድረስ በሺዎች የሚቆጠሩ ኢትዮጵያውያን ወደ ፕሮቴስታንት ሰፈር (ጴንጤ) ለምን ይጎርፋሉ?

እኔ ያገኘሁት መልስ ለተራው ሕዝብ የሚመች ተጨባጭ፣ ተግባራዊ፣ ዐዉዳዊ፣ ክርስትና መኖሩ ነው። ክርስትና በመጀመሪያው መቶ ክፍለ ዘመን መላውን የሮማ ኢምፓየርን ያናወጠው ከታች ካለው ማህበረሰብ ሁኔታ ጋር የተሰናሰለ ተግባራዊ የሕይወት ልምምድን ያገናዘበ በመሆኑ እንደሆነ ብዙ ምሁራን ይስማማሉ (Roodney Stark, 1997)።

በኢትዮጵያም ሰዎች ሁሉ ከእግዚአብሔር ጋር በቀጥታና በቀላሉ በክርስቶስና በቃሉ መካከልኝነት በየዕለቱ ግንኙነት እንዲያደርጉ እና ተጨባጭ መንፈሳዊ ርባና ያለው፣ ለሕይወታቸው ትርጉም የሚሰጥ ሕብረት እንዲፈጥሩ የሚያበረታታ እንቅስቃሴ የተደረገዉ በፕሮቴስታንቱ በኩል ነው። ይህ ነገር አሁንም ተጠናክሮ እስከቀጠለ ድረስ ፕሮቴስታንቱ ምንም ያህል ቢተችም ሰው ትርጉም ፈልጎ ወደ እሱ መፍለሱ አይቀሬ ነው እላለሁ።

እናንተስ ምን ትላላችሁ?

✍️ አበባየው ቢተው

@cgfsd

--
Reading books with ReadEra
https://readera.org

Jesus Christ is already exalted in his humiliation and humiliated in His exaltation.

Jeremy R.Treat
@cgfsd

(የተስፋ ተማጥኖ )


ሪቫይቫልና የጌታን ምፅአት ሁለቱንም ተስፋ እናደርጋለን። በእርግጥ በዚህ ምድር የትኛውም ኑሮ ያለ ተስፋ እንደማይቻል ግልፅ ነው። እንደ ቤተክርስቲያን ብዙ ጊዜ ሪቫይቫንም የጌታን ምፅአትም ተስፋ እንደርጋለን። ሪቫይቫል ላይ የተለያዩ ምልከታና ትርጉም ውዝግብ ቢኖርም እንደ ቤተክርስቲያን አስፈላጊ ሊሆን ይችላል። የደከሙ ጎኖችን ፣ ልክ ያልሆኑ ልምምዶችን ለማስተካከል ያስፈልጋል። የጌታ ምፅአት ዳግም መምጣት ግን ዋነኛ በጊዜ የማይገደብ ቤተክርስቲያን በዚህ ምድር እስካለች ድረስ የሁልጊዜ ተስፋዋ ነው። ከክርስቶስ ዳግም መምጣት በላይ የትኩረት አቅጣጫ የሆነ ተስፋ ለክርስትና የለም። ሪቫይቫል አስፈላጊ ቢሆንም ከምፅአት በላይ ተስፋ የምናደርግበትና የምንታመንበት መሆን የለበትም። ሪቫይቫል ተኮር ፀሎት ፣ ስብከት ፣ ዝማሬ ላይ አተኩረን ምፅአቱን የሚገባው ትኩረት ካልሰጠነው የተሰፋ መዛነፍ ያጋጥመናል። ሪቫይቫል ያስፈልገናል ነገር ግን የምንሰጠው ቦታና ትኩረት በአግባቡ መፀሃፍ ቅዱሳዊና ከዋናው ተስፋ ምፅአቱ ስር በታች በሆነ መልኩ ሊሆን ይገባዋል።


@cgfsd