Телеграм канал «በክርስቶስ ( in christ)»

የሞተላቸውን እወድለታለሁ !🎶

ዘሪቱ ከበደ

(የአሸዋ ሰጎን እና የሳሎን ውሻ)


የአሸዋ ሰጎን ለየት ያለ ትዕይት አለው ። ራሱን  በአሸዋ ውስጥ ይደብቃል ። ሙሉ ሰውነቱ ውጭ እንዳለ ራሱን ብቻ አሸዋ ውስጥ ይቀብራል ። ነፋስ ቢነሳ ፣ ቀውጢ ቢመጣ የሚሰሚው ጉዳይ አይኖር ራሱን አሸዋ ውስጥ ቀብሮ ይኖራል ። የበረታ ነፋስ ከመጣ ጠራርጎ  ይወስደዋል ጆሮ ዳባ ልበስ ብሎ ባልሰማ ተደብቆ የቆየበት አሸዋ አያድነውም ።  የሳሎን ውሻ መላመድ ነው ባህሪው ፣ ከአሳዳጊው ስር ስር መሆን ፣ የመጣውን መልመድ ፣ አሳዳጊው ሳሎን ውስጥ መንጎራደድ መገለጫው ነው ።

ክርስትናንና ፖለቲካን ስንመለከት የአሸዋ ሰጎንና የሳሎን ውሻ መሆን አያዋጣም ። ቤተክርስቲያን እንደ አሸዋው ሰጎን ምንም አላቅም እያገባኝም ብላ ባልሰማ ባላየ ራሷን አሸዋ ውስጥ ብትደብቅ የሚመጣው ነፋስ የሞራል ውድቀት ፣ ጦርነት ፣ አምላክ የለሽ ስርአት ይሸረሽራታል ። እንደ ሳሎኑ ውሻው ፖለቲካን ለምዳ ለፖለቲካው ቤተኛ መሆን  የፖለቲካው ውድቀት ውድቀቷ፣ የፖለቲካው ግፍ ግፏ ፣ በደሉ በደሏ ይሆናል ፣ ምክኒያቱ ቤተኛ ሆናለች ።

ቤተክርስቲያን አያገባኝም በማለት እንደ ባለ አሸዋው ሰገን ባይተዋር ፤ እንደ ሳሎኑ ውሻ ሁሉ ያገባኛል በማለት ቤተኛ መሆን የተጠራችበት ተልዕኮ ያስረሳታል ።  ቤተክርስቲያን ለፖለቲካው ህሊና መሆን አለባት ። ህሊና ክፉንና ደጉን መመዘኛ ሚዛን ነው ። የፅድቅ መለኪያ እንደመሆኗ የተበላሸው ፖለቲካ ክፍቱቱን በፅድቋ  ትመዝናለች። ፖለቲካው ሲያጠፋ እረፉ የምትል ይሔ ግፍ ነው ብላ በደልን ክፋት የምታነቅፍ ፣ ደግሞ ስልጣን ከእግዚአብሔር ስለሆነ ፖለቲካው ውስጥ ገብታ የምትቆጣጠር ሳይሆን ማንም ይሁን አይሁን ፤ አማኝ ይሁን አይሁን የምትፀልይ ናት ። ቤተክርስቲያን በፖለቲካው ዙሪያ የሚኖሯት መፀሃፍ ቅዱሳዊ አቋም የስልጣን(power) ይገባኛል ላስተዳድረው ሳይሆን የፅድቅ አቋም ነው ።


@cgfsd

እግዚአብሔር በሁሉ ቦታ ይገኛል፤ በልዩ ቦታም ይገኛል። በልዩነት የሚገኘው ግን ለህብረት ነው ።

@cgfsd

በክርስቶስ ቻናል 1500 እያለፍን ነው 😁 ። የበክርስቶስ ቤተሰቦች ስለ ቤተሰብነታችሁ እናመሰግናለን ።  ቻናሉ 8 አመት ሞልቶታል ። 8 አመት የመቆየቱን ያክል ብዙ አልሰራንበትም ። በቀጣዩ ጊዜ አሻሽለን በተከታታይነት መፀሃፍ ቅዱሳዊ መሰረት ያላቸውን ሀሳቦች ፣ ተልዕኮ ተኮር የሆኑ ፣ ወደ ተግባራዊ ህይወት (Devotional ) የሚጋብዙን ይዘት ያላቸውን ስራዎች ጨምረን ለመስራት እንሞክራለን ።

ቢሻሻል ፣ ቢጨምር ፣ ቢታረም ፣ ቢቀጥል የምትሉትን አስተያየታችሁን በዚህ በኩል 👉@filicross ሀሳባችሁን መስጠት ትችላላችሁ ።

@cgfsd

ምናልባት አንዳንዱን ነገር አጥርተን የምናየው በእምባ በረጠቡ አይኖቻችንስ ቢሆን?!


✍️ አበበ አብዲሳ
@cgfsd

ጌታዬ ድምፅህ ውስጥ ልብ አለ
 ለአፍታ የሰማህ እግርህ ስር ዋለ
አባቴ ልብህ ውስጥ ድምፅ አለ
አንተኑ ያገኘ ሸክምን ተካፈለ

(የመስቀል እሳቤ)


በቆሮንቶስ መፀሃፍ ሐዋሪያው ጳውሎስ መስቀልን የመስቀሉ ቃል በማለት መስቀሉን ይጠራል(1ቆሮ 1:18) ። ግሩም አገላለፅ ነው ። የመስቀሉ ቃል የመስቀሉ ስራ እንደማለት ነው  ። የመስቀሉ ቃል የመስቀሉ ስራ ተብሎ ሊገለፅ ይችላል ። ሐዋሪያው ጳውሎስ መስቀሉን ሲገልፅ ስለ አሰቃቀል ሂደቱ ወይም ስለ ቢስማሩ አልፎ ጅራፉን ሲጠቅስ ወይም ሲያነሳ አናይም ፤ ይልቁን የመስቀሉን ምክኒያት የመስቀሉን ስራ ውጤት ያብራራል ። መስቀል አንድ በቀራንዮ ላይ የተከናወነ የአንድ ቀን ክስተት ሳይሆን እንደ ቅዱስ ጳውሎስ ውጤቱ የቀጠለና ምክኒያቱም ስለሰው ልጅ ድነት የሆነ አድርጎ ያስቀምጥልናል ። ለዚህም ነው የመስቀሉ ስራ ውጤትና ምክኒያት ላይ ትኩረት ስላደረገ ጳውሎስ የመስቀሉ ቃል የሚለውን ቃል ስለ መስቀል ስራው ወካይ አድርጎ ያስገባውል ። የመስቀሉ ቃል መስቀሉን የሚገልፅ ድንቅ ቃል ።

@cgfsd