Телеграм канал «በክርስቶስ ( in christ)»

የክርስቶስ ኢየሱስ መስቀል እግዚአብሔር ፍቅሩን ለአለም የሰበከበት አትሮንስ(ፑልፒት) ነው።

✍ አውግስጢኖስ

ይቅር ስላልከኝ ነው የእኔ መቆም
ደግሞ እንዳልፈርድ እርዳኝ በሰዎች ድካም

🎶 ዲያቆን አቤል መክብብ

( የልኳንዳው ጥያቄ👇 )


ከ100 አመት በፊት የኢትዮጵያ ስመጥር ምሁርና የአፄ ሚሊኒክ ሀኪም የነበረው ነጋድራስ ገብረህይወት ታመሙ ። ለህክምና ጅቡቲ በነበሩበት ወቅት ነጋድራስ ስጋው ደሙን (ቅዱስ ቁርባን ) መውሰድ ፈለጉና የካቶሊክ ቤተክርስቲያን ውስጥ ገብተው ወሰዱ ። ነጋድራስ ወደ ሀገራቸው ሲመሉ በጅቡቲ ካቶሊክ ቤተክርስቲያን ውስጥ ስለወሰዱት ስጋው ደሙ ሀሜት ታሙ  ። ነጋድራስ ኦርቶዶክስ አማኝ ሁኖ ካቶሊክ ቤተክርስቲያን ስጋው ደሙ ለምን ወሰዱ ተብለው ሲጠየቁ ልኳንዳው ቢለያይ ስጋው አንድነው የሚል መልስ ሰጡ ። በነጋድራስ አመለካከት ልኳንዳ ወይም ስጋ ቤት ያሉት ካቶሊክን ወይም ኦርቶዶክስ አንዱን የእምነት ቤት ሲሆን ስጋ ያው ነው ያሉት ደግሞ ስጋው ደሙ ልዩነት የለውም ለማለት ይመስላል ። 

ከነጋድራስ ሀሳብ በመነሳት ጥያቄ ልጠይቅ። ካልተሳሳትኩ ልኳንዳ ያሉት የተለዩን ዲኖሚኔሽናን ቤተክርስቲያን ነው ። ለቤተክርስቲያን እንደዚህ አይነት ስም መስጠት አግባብ ባይሆን በነጋድራስ ሀሳብ ላይ ጥያቄን ልጠይቅ ። የልኳንዳ መለያየት ምሳሌ :-  ስጋው ደሙ ወደ ጌታ ስጋና ደም ሙሉ ለሙሉ መለወጡን በሚያምኑ ካቶሊክ ፣ ራሱ የጌታ ስጋ ነው በሚሉ ኦርቶዶክስ ፣ በስጋው ደሙ ጊዜ ጌታ ራሱ አካላዊ መገኘት አለው ብለው በሚያምኑ ሉተራን ፣ የጌታ መንፈሳዊ መገኘት አለው በሚሉ ተሃድሶያዊያን ፣ የጌታ ስጋ መታሰቢያን ብለው በሚያምኑ ዳግም አጥማቂዎች መካከል ልዩነት ስጋው ላይ የለም ማለት ይቻል ይሁን ? ልኳንዳው ቢለያይም ስጋው አንድ ነው ማለት ይቻል ይሁን? በተለያየ ዲኖሚኔሽንና ሁነን አብረን የጌታን ራት አብረን መውሰድ እንችላለ?  ምን ይመስላችኋል ።

@cgfsd

ስላሴ ለክርስትና የእምነቱ መሰረቱ ነው ። እምነታችን መሰረቱ ስላሴ ከሆነ አምልኮአችን ስላሴ ትኩረት ያደረገ መሆን አለበት ። አምልኮአችን ምን ይመስላል ? ራሳችንና ህብረታችን ምን ይመስላል ? ድነታችን ስላሴያዊ እንደሆነ ሁሉ ተግባራዊ አምልኮአችንም ስላሴያዊ መሆን አለበት።

@cgfsd

.....ጌታ ሆይ ምክኒያቱን አላውቅም
                   መስቀሌ ብዙ ነው
ትከሻዬን አስፋው ችዬ እንድሸከመው

          
🎶 ዘማሪ ደረጄ ከበደ

የሰው ልጅ የኤድን ገነቱ ክህደት ፣ በስላሴ ፍቅር ልብ ላይ የተሰነቀረ የክህደት ጦር ነበር ። እግዚአብሔር የዚያ ክሕደት ካሳ ሌላ ልጅ ፍለጋ ሲባክን የእስራኤል ሕዝብ አገኘ። የእስራኤል ክሕደት ከገነቱ ክሕደት ቢብስ እንጂ አይሻልም ። እግዚአብሔር እስራኤል አንዴ የበኩር ልጁ (ዘፀ 4:22) ፣በሌላ ጊዜ ከጎዳና አንስቶ ያከበራት ኩረዳ ፍቅረኛው(ሕዘ16) ፣ ሌላ ጊዜ ደግሞ እጅግ ውድ ዋጋ ከፍሎ ቢያፈቅራት ጥላው የኼደች ሚስቱ(ኤር 2:32-5፥19) አድርጎ ክሕደቷን በነቢያት በኩል በተለያዩ መልኮች ለመግለጥ ይጥራል ። የመልዕክቱ ልብ አንድ ነው ፤ በግፍ መከዳቱ በሰው ቋንቋ ጮኾ ማውራት ። ስለዚህም የሰው ልጅ ጩኸት የእግዚአብሔር ጩኸት ኾነ ። እግዚአብሔር የሰውን ልጅ ጩኸት ወስዶ የገዛ ራሱ ጩኸት አደረገው ።


  (የእከይ እና የሦቃይ ጣጣ!) ገፅ 238-239
   

@cgfsd

(ሁላችንም ይመለከታል!)


ዶክተር ኖርማል ኤል ጋይዝለር  አጠር ባለው (Essential doctrine Made easy ) በተሰኘው ስራው ለድነት አስፈላጊ የሆኑ ቀዳሚ አስተምሮዎችን ይዘረዝራል ። የክርስትና አስተምሮ ቀዳሚ(primary doctrine) ሊሆኑ የሚገቡ አስተምሮዎች አሉ ። እነዚህ አስተምሮዎች ማስቀደም ትኩረት መስጠት አስፈላጊ ነው ለድነት ጠቃሚ ናቸውና ። ዶክተር ጋይዝለር  መሰረታዊ ያላቸውን 14 (essential doctrine) ዘርዝር አስቀምጧል ። እነዚህ 14 መሰረታዊ አስተምሮ ለድነት አስፈላጊ ጠቃሚ መሆናቸውን ያትታል ።  አስተምሮዎቹን ያወጣው ከሐዋሪያት የእምነት መግለጫ ነው ። የሐዋሪያት የእምነት መግለጫ (creed) እንደ ዶክተር ጋይዝለር አገላለፅ እንደሚለው መፀሃፍ ቅዱስን በአጭሩ ( creed are short summaries of what the bible teaches) በዚህ መንገድ ያስረዳናል ። የሐዋሪያት የእምነት መግለጫ መፀሃፍ ቅዱስን በአጭሩ ያሳዩናል ። ይሔ ማለት የእምነት መግለጫው (creed) በመፀሃፍ ቅዱስ መሰረት ላይ የቆመ ፣ የተመዘነ በመፀሃፍ ቅዱስ ስልጣን ስር ያለ ነው ። creed ላይ የመጣ አዲስ ትምህርት የለም የመፀሃፍ ቅዱስ ትምህርት እውቅና ሰጡ አስተጋቡ እንጂ ። ስለዚህ ዶክተር ኖርማል መሰረታዊ ቀዳሚ ሁሉም አማኝ በቀላሉና ግልፅ በሆነ መንገድ ለድነት ወሳኝ የሆነው አስተምሮ የሃዋሪያት እምነት መግለጫ ከጉባኤያት የወጡትን ትምህርቶች ይጠቁማል ። እነዚህም አስራ አራቱም :-

1, የእግዚአብሔር አንድነት
2, የእግዚአብሔር ሶስነትና አንድነት
3, የሰው ውድቀት
4, የክርስቶስ በድንግል መወለድ
5, የክርስቶስ ሀጢያት አልባነት
6, የክርስቶስ አምላክነት
7, የክርስቶስ ሰውነት
8, የእግዚአብሔር ፀጋ አስፈላጊነት
9,  የእምነት አስፈላጊነት
10, የክርስቶስ ሞት
11, የክርስቶስ የስጋ ትንሳኤ
12, የክርስቶስ በስጋ ማረግ
13, የክርስቶስ ምልጃ
14,  የክርስቶስ ዳግም መምጣት

መሰረታዊ አስተምሮዎችን የማወቅና የማሳወቅ ክርስቲያዊ ሃላፊነት አለብን ። ዶክተር ጋይዝለር ለሁሉም ግልፅ ተደራሽ እንዲሆን አስፈላጊና ለድነት ጠቃሚን አስተምሮ ከሐዋሪያት የእምነት መግለጫ አውጥቷል ። በቤተክርስቲያን ውስጥ ለሁሉም ተደራሽ በሆነ መልኩ ባልተወሳሰበ ለሁሉም ልክ በሚሆን መሰረታዊ አስተምሮን መማር አለብን ። ከመሰረታዊ አስተምሮ(basic doctrines) የተፋታ ተግባራዊ ህይወት (devotional life) ምንጩና መነሻው አያስታውቅም ።  ከተግባራዊ ህይወት የተፋታ መሰረታዊ አስተምሮ አላማውን የተሳተ ነው ። ይሔ ጉዳይ ሁላችንም ይመለከተናል ። በቤተክርስቲያን ልንማር ፣ በህብረት የጥናት ወቅቶቻችን ልናጠናው ፣ በኑሮም ስርአታችን የህይወት መርህ አርገናቸው ልንኖር ያስፈልጋል ።


@cgfsd