Телеграм канал «በክርስቶስ ( in christ)»

ክርስቶስ የእግዚአብሔር ክብር ነፀብራቅ ነው (ዕብ1:3) ። ፀሐይ ካለ ብርሃን ማሰብ እንደማይቻል ሁሉ ፣ እግዚአብሔር አብንም ያለ ወልድ ማወቅ አይቻልም ። ብርሃኑ ከፀሐዩ ጋር አንድ እንደሆነ ፣ ወልድም ከአብ ጋር በመለኮት አንድ ነው ።

@cgfsd

(ታላቁ መገለጥ)


መገለጥ የክርስትና ጉልበት ነው ። እግዚአብሔር ራሱን በተደጋጋሚ ገልጧል ። በመፀሃፍ ቅዱስ ውስጥ ከታሪክ ወደ ታሪክ ፤ ከዘመን ወደ ዘመን በአለፍን ቁጥር እግዚአብሔር ራሱን እየገለጠ እንመለከተዋለን ። መገለጥ በእግዚአብሔር እና እኛ መሃል ለሚኖረው በመተዋወቅ ፣ መገዛት ፣ አምልኮ እጅግ በጣም አስፈላጊ ጉዳይ ነው ። የእግዚአብሔር ታላቅነት ፣ ረቂቅ መሆን በፍጥረት በሰው አቅም መታወቅ ፣ መረዳት ፣ መገንዘብ የማይቻል በመሆኑ እግዚአብሔር ራሱን ሊገልጥል ግድ ይላል ።

መገለጥ አስፈላጊ የሆነው እግዚአብሔርን ከራሱ ካልሆነ በትክክል ልናውቀው ስለማንችል ነው ። መገለጥ ውስጥ የእግዚአብሔር ርህራሄ ፣ ምህረት ፣ አፍቃሪነት ይታያል ፤ ምክኒያቱም እግዚአብሔር ቢራራ ነው ራሱን የሚገልጠው ቢወድ ነው ራሱን ይሄው ብሎ የሚገልጠው ። እግዚአብሔር ራሱን በብዙ ሁኔታ ገልጧል ። ፍጥረት ሲፈጥር በፍጥረቱ ውበት ውስጥ ፈጣሪ እንደሆነ ገልጧል(መዝ19:1) ፤ እኛን ሲፈጥር በውስጣችን ህሊና በማስቀመጥ ህሊናችን ስለ እሱ ምስክር ሁኗል (ሮሜ 2) ፣ ለእስራኤል ህዝብ ጋር ኪዳን በመግባት እየመገበ ፣ እየተንከባከባቸው ፣ በህጉ ፣ በነቢያት ፣ በመቅደሱ  በብዙ እልፍ መንገዶች መንገዱን  እየተናገረ እያስተማረ ራሱን ገለጠ ። 
  
ታላቁ መገለጥ ከሁሉ የሚልቀው መገለጥ ግን ራሱን በልጁ የገለጠበት መገለጥ ነው(ዕብ1:1-3) ። እግዚአብሔር በጊዜ ሂደት ውስጥ ራሱን በብዙ መንገድ ቢገልጥም እሱን ለመግለጥ ሙሉ አቅም ያለው መገለጥ የልጁ ኢየሱስ መገለጥ ነው ። ይሔው ነው ታላቁ መገለጥ ። ኢየሱስ ሰው ሲሆን ሰው ለማዳን ፣ ለሰው ለመሞት ቢመጣም ደግሞ በዚህ ውስጥ ቀዳሚ አላማው በይበልጥ ግልፅ የሆነልን ነገር የአምላክ እግዚአብሔር ማንነት ሊገልጥል ነበር ።  ክርስቶስ ኢየሱስ በስላሴ መካከል የመገለጥ ማዕከል ነው (Gorden fee)። የመገለጥ ወኪል ከሆነ አብን የተረዳንበት ፣ መንፈስ ቅዱስ በስሙ በማመን የተቀበልንበት ነው(ጳውሎስ ፈቃዱ) ። በኢየሱስ በኩል እግዚአብሔር ለፍጥረቱ በይበልጥ በማይደበቅ ፣ በማይሸፈን መልኩ ራሱን ግልፅ አርጓል ። አልታወቅም ብሎ የተቀመጠ አምላክ የለም እንዲታወቅ ራሱን በራሱ አብራራልን ። ከእግዚአብሔር ጋር የሚኖረን ህብረት ውብ የሚሆነው ራሱን በገለጠልን መንገድ ህብረት ስናደርገው ነው ።

እግዚአብሔር ከጥንት ጀምሮ በተለያየ ጊዜና በልዩ ልዩ መንገድ በነቢያት በኩል ለአባቶቻችን ተናግሮ፣  በዚህ መጨረሻ ዘመን ግን ሁሉን ወራሽ ባደረገውና ዓለማትን በፈጠረበት በልጁ ለእኛ ተናገረን።  እርሱ የእግዚአብሔር ክብር ነጸብራ ቅና የባሕርዩ ትክክለኛ ምሳሌ ሆኖ፣ በኀያል ቃሉ ሁሉን ደግፎ ይዞአል፤ የኀጢአት መንጻት ካስገኘ በኋላ በሰማያት በግርማው ቀኝ ተቀመጠ።
ዕብራውያን 1:1-3

@cgfsd

🔑እግዚአብሔርን መፈለግ

                    #SUBTITLE_2
                       በፅድቅ ኑሮ

በፊሊሞን ነጋ

ደቀ መዛሙርቱም በደስታና በመንፈስ ቅዱስ ተሞሉ።
ሐዋርያት ሥራ 13:52

በእግዚአብሔር መርካትና መደሰት የሚቻለው መንፈስ ቅዱስ በአማኞች መሃል የእግዚአብሔር ጥልቅ ፍቅር፣ ደስታ ሲሞላና ሲያፈስ የሚገኝ ነው።

አብ ሳበኝ በፍቅሩ
ወልድ ቤዛ ለነፍሴ
አተመኝ መንፈሱ
አንድ አምላክ ስላሴ


🎶 ዳንኤል አምደሚካኤል

(የአመት ሰው ይበለን !)


በእየ አመቱ የአመት ሰው ይበለን እያለ በእየ አመቱ ከሚመጡብን ነገሮች መካከል  የሰሞነኛው ውዝግብ የፀጋ ስጦታ ቁሟል አልቆመም በዚህ ዘመን የሚለው ሙግት አንዱ ነው ። አንድ ወቅት ትምህርታዊ ኮንፈራንስ ላይ በቤተክርስቲያን ሁነን እንማራለን ። የሚያስተምር አገልጋይ ከዋናው ቢሮ የመጣ ሲሆን በቃለ እግዚአብሔር የታጠቀ በመንፈስ የሚቃጠል ወንድም ነበር ። በነበሩ ፕሮግራሞች ሙሉ በሙሉ ማለት በሚቻል መልኩ ጉባኤ አንድ በአንድ ይገኛል ምክኒያቱ ነፍስ የሚያድስ የትምህርትና የፀሎት ጊዜ ስለነበረ ።

ወደ ፕሮግራሙ መገባደጃ አካባቢ እስቲ እዚህ ጉባኤ ውስጥ በቤተክርስቲያን ፕሮግራማችሁ ውስጥ በትጋት ትማራላችሁ? ብሎ ጉባኤውን ጠየቀ ፤ ጉባኤውም አዎ ብሎ በደስታ መለሰ ። መፀሃፍ ቅዱስ የሚማር ጉባኤ የታደለ ነው አለ ። ቀጥሎም ጉባኤውን ባልተሸቃቀጠው በእግዚአብሔር ቃል መሰረት ባደረገ በእውነተኛ የፀጋ ስጦታዎች ለምሳሌ በትንቢት ፀጋ ትገለገላለላችሁ ? (ስለ ሀሰተኞች አላልኩም ) በማለት ጉባኤውን ጠየቀ .... ጉባኤውም ዝም አለ ። አገልጋዩ ቀጥሎ እሺ በመካከላችሁ የትንቢት ፀጋ የሚገለጥባችሁ አላችሁ ? ጉባኤ ዝም ። አትርሱ የፀጋ ስጦታ ህብረትን ለማነፅ ለህብረት የተሰጠ ነው ። ጌታ በቃሉ በብርቱ ፈልጉ ካለ እግዚአብሔር ሊሰራበት የወደበት አንድኛው መንገድ በመሆኑ በቆሮንቶስ 14  እንደተጠቀሰው በብርቱ መፈለግ አለባችሁ። ቤተክርስቲያን የፀጋ ስጦታን በአግባቡ መጠቀም አለባት ። ምክኒያቱ ደግሞ እጅግ ብዙ ስራ ስለላባት ተልዕኮዋን መፈፀም ቀዳሚ ተግባሯ ነው ።


@cgfsd

https://t.me/Living_pen


ብዙ የምናተርፍበት መንፈሳዊ ቻናል ነው ።