Телеграм канал «"УММА" Ислам журналы»

🔸 Подмосковьедеги мектепте болгон кол салуунун кесепетинен каза тапкан 10 жаштагы Кобилжон Алиевди акыркы сапарга узатуу зыйнаты өттү. 🔸«Азия-Плюс» басылмасынын маалыматына ылайык, акыркы сапарга узатуу аземине Шахринав районунун тургундары, ошондой эле Тажикстандын башка аймактарынан келген адамдар катышты. Маркумду акыркы сапарга узатуу терең кайгы жана үй-бүлөсүнө айтылган көңүл айтуулар менен коштолду. 🔸Каргашалуу окуя 16-декабрдын таңында Россиянын Москва облусуна караштуу Одинцово шаардык округундагы Горки-2 кыштагында жайгашкан Успен орто мектебинде болгон. Россиянын Тергөө комитетинин маалыматына караганда, 15 жаштагы окуучу мектептин ичинде бычак менен кол салган. Анын кесепетинен Тажикстандын жараны, 4-класстын окуучусу Кобилжон Алиев каза тапкан. Дагы бир нече адам жаракат алган. 🔸Кол салууга шектүү ошол эле жерде кармалган. Ага карата «адам өлтүрүү» жана «адам өлтүрүүгө аракет кылуу» беренелери боюнча кылмыш иши козголду. Учурда тергөө амалдары улантылууда.

🔸Газа аймагындагы абал өтө оор бойдон калууда. Жарыяланган убактылуу тынчтыкка карабастан, Из раилдин чабуулдары уланууда. 🔸Маалыматтарга ылайык, Газадагы жарандык инфраструктуранын болжол менен 90 пайызы жабыркаган. Кеминде 352 миң турак жай толугу менен кыйраган. Аймакта курулуш калдыктарынын жана урандылардын көлөмү 70 миллион тоннадан ашты. Урандылардын алдында каза болгондордун миңдеген сөөктөрү дагы деле калганы айтылууда. 🔸2023-жылдын 7-октябрынан бери Из раилдин Га задагы чабуулдарынын кесепетинен 70 миңден ашуун па лестиналык каза тапты, 171 миңден ашык адам жаракат алды. Кыш мезгили башталгандан бери кеминде 17 адам сууктан каза болгон. 🔸10-октябрда убактылуу тынчтык жарыялангандан кийин да кырдаал курч бойдон калууда. Бул аралыкта кеминде 400 адам каза болуп, 1 074 адам жаракат алган. Ошондой эле Из раиль тарабынан ок атышпоо режимин бузуунун 813 фактысы катталган. 🔸Шаршемби күнү, 17-декабрда, Га за тилкесинин Аль-Самер районунда карапайым тургундар чогулган жерге жакын жерге из раилдик артиллериялык снаряд түшүп, 11 па лестиналык жаракат алган. Мындан тышкары, артиллериялык аткылоолор Га занын түштүгүндө жайгашкан Хан-Юнустун түштүк-чыгыш бөлүгүнө жана Рафахтын түндүгүндөгү Мораг коридорунун айланасына да жасалган. 🔸Саламаттык сактоо министрлигинин маалыматына ылайык, ок атышпоо режими күчүнө киргенден бери Из раилдин чабуулдарынан кеминде 393 адам каза болуп, дагы 1 074 адам жаракат алган. #ardusalam #gaza #palestine #umma #ummamag

🔸Кыргыз Республикасынын Президенти Садыр Жапаров 17-декабрда Ош облусунун Кара-Кулжа районундагы Коо-Чаты айылынан чыккан 4-класстын окуучусу Нурзаман Алмазбековду кабыл алды. 🔸Окуучу дээрлик бир метрге жеткен карды жарып, мектепке бара жаткан видеосу социалдык тармактарга тарап, коомчулуктун көңүлүн бурган. Бул видео мамлекет башчысына да жеткен. 🔸Президент Нурзамандын билим алууга болгон умтулуусун жана кыйын аба ырайына карабай мектепке барган кайраттуулугун жогору баалады. 🔸Жолугушуунун жүрүшүндө Садыр Жапаров окуучуга уюлдук телефон, ноутбук, китеп жана футбол тобун белек кылды. 🔸Мамлекет башчысы бул окуя өзүнүн балалык кезин эске салганын айтып, өзү да Кен-Суу айылында мектепке карды кечип барып окуганын белгиледи. 🔸Жолугушуунун соңунда президент Нурзаманга окуусунда ийгиликтерди каалап, тырышчаактык менен билимге умтулуу ар дайым жакшы жыйынтык берерин айтты.