Телеграм канал «"УММА" Ислам журналы»

31-январь Газа тилкесинин аймагында жасалган израилдик аба соккуларынын натыйжасында кеминде 28 палестиналык, анын ичинде аялдар жана балдар каза тапты.

Эң катуу соккулардын бири Газа шаарындагы Шейх Радван районунда жайгашкан полиция борборуна тийип, жарандык полициянын кызматкерлерин кошкондо 13 адамдын өмүрүн алды.

Мындан тышкары, Аль-Аббас кесилишине жакын жайгашкан турак батирге жана Хан-Юнис шаарындагы ички көчүрүлгөндөр үчүн тигилген чатырга сокку урулду. Маалыматтарга ылайык, Хан-Юнисте бир үй-бүлөнүн жети мүчөсү каза болгон.

«Аш-Шифа» медициналык комплексинин дарыгерлери урандылардын алдында куткаруу иштери уланып жатканын жана медициналык каражаттардын жетишсиздигинен каза болгондордун саны көбөйүшү мүмкүн экенин эскертишти.

Кыргыз Республикасынын Эмгек, социалдык камсыздоо жана миграция министрлиги үй-бүлөлүк зомбулукка жана адам сатууга кабылган жарандарга жардам көрсөтүү үчүн 5200 ишеним телефонун ишке киргизди.

Долбоор мамлекеттик социалдык заказдын алкагында ишке ашырылып, кризистик абалга туш болгон аялдар менен кыздарды колдоого багытталган.

Министрликтин маалыматына ылайык, 5200 номерине чалуу акысыз, анонимдүү жана толук купуялуулукта жүргүзүлөт. Телефон линиясында атайын даярдыктан өткөн психологдор жана адистер иштешет.

Ишеним телефону бардык мобилдик операторлор аркылуу өлкө аймагында жеткиликтүү болуп, суткасына 24 саат, жумасына 7 күн иштейт.

🔸Га задан чыккан Кусай аттуу кичинекей бала дээрлик бүт үй-бүлөсүн жоготуп, жалгыз калган.

🔸Жергиликтүү булактардын маалыматына ылайык, анын апасы из раилдик соккулардын кесепетинен каза болгон. Ал эми иниси көчүрүлүп келген үй-бүлөлөр жашаган чатыр лагерлерин каптаган катуу селден улам көз жумган.

🔸Баланын атасы Египетте калып, чек араларга коюлган из раилдик чектөөлөрдөн улам Га зага кайта албай келет.

🔸Натыйжада Кусай кайгысын жалгыз тартып жашоосун улантууда. Ал атасын көптөн бери көрө электигин айтып, атасы жубайы менен коштошо албай, уулун тирүүсүндө көрүүгө да мүмкүнчүлүк болбогонун кошумчалады.

🔸Франциянын Улуттук жыйыны социалдык тармактарды 15 жашка чейинки өспүрүмдөргө колдонууга тыюу салууну караган мыйзам долбоорун биринчи окууда колдоду. Бул тууралуу Figaro басылмасы билдирди.

🔸Демилге депутаттардын кеңири колдоосуна ээ болду: мыйзам долбоору үчүн 116 парламентарий добуш берип, 23ү каршы чыкты.

🔸Документ президенттик «Кайра жаралуу» партиясынын депутаты тарабынан сунушталган. Анын негизги максаты — балдардын психикалык саламаттыгын коргоо жана социалдык тармактардын терс таасирин азайтуу.

🔸Мындан тышкары, мыйзам долбоорунда өлкөдөгү жогорку класстарда уюлдук телефондорду колдонууга толук тыюу салуу да каралган.

🔸Франциянын президенти Эммануэль Макрон бул демилгени колдоп, ал илимпоздордун сунуштарына жана коомчулуктун көпчүлүгүнүн күтүүсүнө шайкеш келерин белгиледи.