👨💻Быйыл юғары уҡыу йорттарына ҡабул итеүҙең яңы ҡағиҙәләре ғәмәлгә инә
Үҙгәрештәр, тәү сиратта, документтар тапшырыуға, колледж тамамлаусыларҙың уҡырға инеүенә, шулай уҡ маҡсатлы ҡабул итеү ҡағиҙәләренә ҡағыла
Абитуриенттар документтарын «Дәүләт хеҙмәттәре» порталы аша, университеттың ҡабул итеү комиссияһына килеп тапшыра йәки уларҙы почта аша ебәрә ала. Вуздарҙың үҙ мәғлүмәт системалары аша ғариза биреү мөмкинлеге бөтөрөлә
Бынан тыш, маҡсатлы ҡабул итеү механизмын артабан камиллаштырыу өсөн маҡсатлы квота аныҡ заказсыларҙы, ойошмаларҙы, уҡытыу формаларын, белем биреү программаларын һәм урындар һанын күрһәтеп билдәләнә
Бакалавриат һәм белгеслек программалары буйынса уҡырға ингәндә маҡсатлы һәм махсус квотаның вакантлы урындары айырым квотаға бүленә. Үҙгәрештәр колледж тамамлаусыларҙы юғары уҡыу йорттарына ҡабул итеү ҡағиҙәләренә лә ҡағыла. 2026 йылдан улар бары тик алған һөнәри белеме йүнәлешенә тап килгән белгеслек буйынса ғына, берҙәм дәүләт имтиханы һөҙөмтәләренән тыш, юғары уҡыу йорттарына уҡырға инә ала.