БИР ЖИНОЯТ ИЗИДАН

Telegram

Жиноят ишлари бўйича Сергели туман судининг ҳукми билан Жиноят кодексининг 104-моддаси (қасддан баданга оғир шикаст етказиш) да назарда тутилган жиноятни содир этган шахсга 8 йил 6 ой муддатга озодликдан маҳрум қилиш жазоси тайинланди

Telegram

Ўзбекистон Республикасининг 2023 йил 27 мартдаги “Тиббиёт ходимининг қонуний тиббий фаолиятига тўсқинлик қилганлик учун жавобгарлик белгиланиши муносабати билан Ўзбекистон Республикасининг Маъмурий жавобгарлик тўғрисидаги кодексига қўшимчалар киритиш ҳақида”ги Қонунига мувофиқ Маъмурий жавобгарлик тўғрисидаги кодекс 197-7-модда (тиббиёт ходимининг қонуний тиббий фаолиятига тўсқинлик қилиш) билан тўлдирилди.

2023 йилда (амалга киритилган кундан бошлаб) Маъмурий жавобгарлик тўғрисидаги кодекснинг 197-7-моддаси билан 62 нафар шахс маъмурий жавобгарликка тортилиб, 40 нафарига жарима жазоси, 22 нафарига эса маъмурий қамоқ жазоси қўлланилган.

2024 йилнинг 1-чорагида Маъмурий жавобгарлик тўғрисидаги кодекснинг 197-7-моддаси билан 25 нафар шахс маъмурий жавобгарликка тортилиб, 14 нафарига жарима жазоси, 11 нафарига эса маъмурий қамоқ жазоси қўлланилди.

Telegram

Коррупция ҳақида хабар берганлар рағбатлантирилади: муҳим 4 ng>қоида

Telegram

Термизлик қассоб фирибгарлиги учун 5 йил муддатга озодликдан маҳрум этилди

Telegram

ЖИНОЯТ ВА ЖАЗО

Telegram

Мактаб ўқувчисининг ўлимига сабабчи бўлган шахслар жиноий жавобгарликка тортилди

Telegram

Инсон ҳаётда яхшиликка интилиб, ёмонликдан қайтиб яшашга ҳаракат қилади. Ҳаёт эзгулик билан гўзал. Аммо баъзан эзгуликка ёвузлик кўланка солади.

Гиёҳвандлик воситалари савдоси оғир жиноят бўлиб, мамлакатимизда унга қўл урган шахсларга нисбатан кескин чора кўрилади. Агар бу такроран содир этилган бўлса, қасддан эканлиги очиқ-ойдин кўриниб турганлиги учун ҳеч қандай сабаб жазони енгиллаштиришга ёрдам бермайди.

Одатда, баъзи инсонлар адашиб, содир этган жинояти учун муайян муддатга жазони ўтагач, уни енгиллаштиришни сўраб, мурожаат қилади. Чин дилдан пушаймон бўлган шахсни жамият кечиради.

Бундан тўғри фойдаланган одам эса, ўз ҳаётини ўнглаб ҳам кетади.

Аммо…

Қорақалпоғистон Республикаси судининг Жиноят ишлари бўйича судлов ҳайъатида кўрилган навбатдаги жиноят иши ҳам айнан гиёҳвандлик воситаси, уларнинг аналоглари ёки психотроп моддаларни ўтказиш мақсадини кўзлаб қонунга хилоф равишда тайёрлаш, олиш, сақлаш ва бошқа ҳаракатлар қилиш, шунингдек, уларни ўтказиш билан боғлиқ бўлди.

1972 йилда Тошкент шаҳрида туғилган, Ўзбекистон фуқароси, миллати ўзбек, маълумоти ўрта махсус, оилали, 2 нафар фарзанди бўлишига қарамасдан, судланувчи Мурод (исм ўзгартирилган) муқаддам турли жиноий қилмиши учун 4 марта қамалиб, тегишли жазо муддатини ўтаган бўлсада, бундан ўзига тегишли хулоса чиқармади.

“Ўрганган кўнгил ўртанса қўймас” деганларидек, Мурод дастлабки тергов давомида аниқлаш имкони бўлмаган шахсдан олган 1,46 грамм “героин” гиёҳвандлик воситасини мўмай пул эвазига сотишни режалаштириб, 2023 йил 6 апрель куни соат 11:10 чамасида ўзининг бошқарувидаги “Лада Ларгус” русумли транспорт воситаси билан Беруний тумани Амир Темур кўчасига келади. Шу жойда жиноий келишувга кўра, учрашиши лозим бўлган харидор (дастлабки тергов давомида хавфсизлик мақсадида шахси сир сақланиб, “Ж” тахаллуси берилган) тадбир иштирокчисига ўзи билан олиб келган 4 дона қоғозга ўралган соф вазни 0,29 грамм “героин” гиёҳвандлик воситасини 2 000 000 сўм эвазига сотаётган вақтида ҳуқуқни муҳофаза қилувчи орган ходимларидан қочади.

У Беруний тумани Амир Темур кўчаси бўйида транспорт воситасининг бошқарувини йўқотади ва сим ёғочга урилди. Шу пайт ҳуқуқни муҳофаза қилувчи орган ходимлари томонидан ушланади. Унинг автотранспорти кўздан кечирилганида, ҳайдовчи томонидаги ўриндиқ остидан “СПИЧКИ” деб ёзилган гугурт қутиси ичидан 4 дона ялтироқ фальга қоғозга ва 1 дона оддий чақмоқ дафтар варағига қадоқланган соф вазни 0,99 грамм миқдордаги “героин” гиёҳвандлик воситасини ўтказиш мақсадини кўзламасдан, қонунга хилоф равишда сақлаб келганлиги аниқланди.

Бундан ташқари, Муроднинг яшаш хонадони кўздан кечирилганида, уйнинг ётоқхонасидаги тошойнаси устида турган оқ рангли дафтар варағи устида 4 дона фольга қоғозига ўралган соф вазни 0,18 грамм миқдордаги “героин” гиёҳвандлик воситасини сақлаб келганлиги маълум бўлди. Очиқ суд мажлисида ушбу шахс Жиноят кодексининг 273-моддаси 5-қисми ва 276-моддаси 2-қисми “а”, “б” бандлари билан айбли деб топилиб, унга Жиноят кодексининг 59-моддаси тартибида тайинланган жазоларни қисман қўшиш йўли билан узил-кесил ўташлик учун 10 йилу 6 ой муддатга озодликдан маҳрум қилиш жазоси тайинланди.

Илгари ҳам содир этган жинояти туфайли тергов ва суд жараёнларидан ўтган, суд томонидан 2008 йилда ўта хавфли рецидивист деб топилган Муроднинг бу сафар ҳам сувдан қуруқ чиқишга уринишини оқлаб бўлмайди. Зора, бу шахс жиноятга жазо муқаррарлигини энди тушуниб етса.

Даулетбай Разов,
Қорақалпоғистон Республикаси судининг судьяси

Telegram

Жиноят ишлари бўйича Гулистон шаҳар судининг қарорига мувофиқ тиббиёт ходимининг қонуний тиббий фаолиятига тўсқинлик қилган ҳуқуқбузар беш сутка муддатга маъмурий қамоққа олинди

Telegram

ЖИНОЯТГА ЖАЗО МУҚАРРАР!

Telegram

Жиноят ишлари бўйича Сирдарё туман судининг сайёр мажлисида фирибгарлик ва пора бериш билан боғлиқ икки нафар шахсга оид жиноят иши кўриб чиқилиб, судланувчиларга озодликдан маҳрум қилиш жазоси тайинланди

Telegram

Андижон шаҳрида яшовчи Солижон Боймирзаев (исм-шарифлари ўзгартирилган) 2022 йил январь ойидан буён тадбиркор ҳамюртларимизнинг қўшни Қирғизистон Республикаси Қорасув шаҳридаги чакана бозоридан сотиб олган товарларини ташиш билан шуғулланаётганди. Албатта, меҳнатига яраша топиш-тутиши ҳам ёмон эмасди.

Гап шундаки, кўпчилик Қирғизистонга Хўжаобод туманида жойлашган «Дўстлик» чегара божхона пости орқали ўтиб, бориб-келади. Амалдаги тартибга кўра, Қирғизистон Республикасидан Ўзбекистонга биринчи маротаба ўтаётган ҳар бир фуқаро 10 килограмм юкни давлат божи тўламасдан олиб ўтишга ҳақли эканлиги, келгусида эса ҳар бир кило юк учун 3 АҚШ долларидан давлат божи тўлаши лозимлиги белгиланган.

Шу маънода айтганда, Солижон ҳам бошқа тадбиркору савдогарлар қатори чегарадан ўтишда божхона ходимларининг хизмат жараёнига гувоҳ бўларди. Яъни божхоначилар йўловчиларнинг давлат божи тўланганини тасдиқловчи тўлов паттасини уларнинг фуқаролик паспорти билан солиштириб, юкни тарозида тортгандан сўнг тўлов паттасини йиртиб юборган ҳолда ўтказишини кузатарди.

– Баъзан йўловчилар кўплигидан божхона ходимлари тўлов паттасини фуқаронинг паспорти билан солиштирмас ҳам экан, - деб ўйлади у бир куни.

Шундан кейин С. Боймирзаевда божхона ходими муҳри ва тўлов патталарини сохталаштириш орқали пул ишлаш фикри туғилади.

Бинобарин, бир неча кун аввал фойдаланилган патталарни тўплаб юради. 2023 йил 1 ва 2 август кунлари эса Ўш шаҳрида яшовчи «Кадир» исмли танишига тўлов патталарини кўрсатиб, ундан божхона ходимининг думалоқ муҳри ва «TOʼLANDI» ёзувли тўрт бурчак штампни ясаб беришини илтимос қилади.

Албатта, ўшлик йигит 1 миллион 500 минг сўм эвазига Солижоннинг буюртмасини қойилмақом қилиб бажаради. Яъни Андижон вилоят божхона бошқармаси «Дўстлик» чегара божхона пости ходимлари Иззатилло Акрамов, Жамолиддин Юлчиев, Нурзодбек Давронов ва Муҳаммадрасул Тўлановларга тегишли «OʼZBEKISTON BOJXONASI», *ANDIJON VILOYATI*AN*ANDIZHAN REGION ёзувли 041, 123, 151, 158-рақамли думалоқ муҳрлар ҳамда банк кассаларида фойдаланиладиган «TOʼLANDI» ёзувли, тўрт бурчак шаклдаги штампни махсус резинага тепографик усулда қалбакилаштирилган ҳолда тайёрлаб беради.

Сўнгра 2023 йил 16 август куни соат 17:30 ларда «А4» ўлчамдаги қоғозга «15. 08. 2023 йилда фуқаро Камбарова Муҳабатхон томонидан 432 300 сўм давлат божлари тўланди», «16. 08. 2023 йилда фуқаро Машрабхон Собирова томонидан 432 300 сўм давлат божлари тўланди» деган сохта ёзувли, лекин бир хил – 67035321-серияли, орқасига «Дўстлик» чегара божхона пости ходими М. Тўлановнинг думалоқ муҳри босилган 2 та тўлов паттасини Андижон шаҳридаги «Мумтоз» савдо марказида холис мижозга 400 000 сўмга сотган вақтида вилоят божхона бошқармаси ва вилоят ИИБ ходимлари томонидан ушланади. Оқибатда унга нисбатан жиноят иши қўзғатилади.

Жиноят ишлари бўйича Андижон шаҳар суди С. Боймирзаевни Жиноят кодексининг 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) 2-қисми “а”, “б” бандлари ва 3-қисми билан айбли деб топиб, қонуний жазога маҳкум этди.

Муҳайёхон ТУРДИЕВА,
жиноят ишлари бўйича
Андижон шаҳар судининг судьяси

Telegram

Бугун соат 21.30 да "Milliy" телеканалида "O'tkir tergov" лойиҳасининг навбатдаги сонини томоша қилинг!

Telegram

Метрода қизга шаҳвоний шилқимлик қилган ёш йигит беш сутка муддатга маъмурий қамоққа олинди

Telegram

Улуғ айём – Рамазон ҳайити муборак бўлсин, азиз юртдошлар!

Барчангизга тинчлик-осойишталик, файзу барака ва фаровон ҳаёт тилаймиз.

Telegram

Жиноят ишлари бўйича Олтинсой туман судида Жиноят кодексининг 132-моддаси (моддий маданий мерос объектларини нобуд қилиш, бузиш ёки уларга шикаст етказиш) да назарда тутилган жиноятни содир этган шахсларга оид жиноят иши кўриб чиқилди

Telegram

Жиноят ишлари бўйича Янгиҳаёт туман суди томонидан Жиноят кодексининг 105 (қасддан баданга ўртача оғир шикаст етказиш) ва 219 (ҳокимият вакилига ёки фуқаровий бурчини бажараётган шахсга қаршилик кўрсатиш) моддаларида назарда тутилган жиноятни содир этган шахсга 1 йил муддатга озодликдан маҳрум қилиш жазоси тайинланди

Telegram

9 апрель – Соҳибқирон Амир Темур таваллуд топган кун

«Қаерда тартиб ва қонун ўрнатилган бўлса, мен ўша ердаман»

Telegram

Жиноят ишлари бўйича Денов туман судида транспортни таъмирлаш ёки уни фойдаланишга чиқариш қоидаларини ҳамда транспорт воситалари ҳаракати ёки улардан фойдаланиш хавфсизлиги қоидаларини бузиш билан боғлиқ жиноят иши кўриб чиқилиб, уч нафар судланувчига озодликдан маҳрум қилиш жазоси тайинланди

Telegram

#шарҳ

СУДЛАРДА АПЕЛЛЯЦИЯ ВА КАССАЦИЯ ТАРТИБИДА ИШ ЮРИТИШ УЧУН МУҲИМ ҲУЖЖАТ

Кейинги йилларда мамлакатимиз суд-ҳуқуқ тизимида амалга оширилган изчил ислоҳотлар натижасида суд қарорлари қонуний, асосли ва адолатли қабул қилинганини текширишнинг фуқаролар учун қулай ва соддалаштирилган тартиби яратилди. Вилоят ва унга тенглаштирилган судларда кассация ва тафтиш инстанциялари, Олий судда тафтиш ва Раёсат инстанциялари жорий этилиб, ўрта бўғин судларида иш юритиш тартиби тубдан ўзгарди.

👉 Батафсил

Telegram