Телеграм канал «Азиз Абидов | Олий суд»

СУДЬЯНИНГ БИР ИШ КУНИ

Наманган туманлараро маъмурий судининг раиси Фаҳриддин Мадраҳимов фаолияти ҳақида репортаж

Telegram

САВОЛ:

Яқинда мен даъвогар сифатида иқтисодий судга мурожаат қилдим. Аммо менда иш бўйича айрим далиллар мавжуд эмас, лекин улар жавобгарда бор. Бундай ҳолатда ушбу далилларни суд орқали талаб қилиб олишим мумкинми?

ЖАВОБ:

Агар даъвогар иш учун аҳамиятга эга бўлган, бироқ ўзида мавжуд бўлмаган ва жавобгарда сақланаётган далилларни мустақил равишда олиш имкониятига эга бўлмаса, ушбу далилларни суд орқали талаб қилиб олишни сўраши мумкин.

Иқтисодий процессуал кодексининг 69-моддасига кўра, ишда иштирок этувчи шахс зарур далилни мустақил олиш имконига эга бўлмаган тақдирда, уни талаб қилиб олиш тўғрисида судга илтимоснома билан мурожаат қилишга ҳақли. Илтимосномада далил ёрдамида иш учун аҳамиятли қандай ҳолатлар аниқланиши мумкинлиги, далилнинг аломатлари ҳамда унинг жойлашган жойи кўрсатилиши лозим.

Суд илтимосномани кўриб чиқиш натижасига кўра, ажрим чиқаради.

Илтимоснома қаноатлантирилган тақдирда, ажримда далилни тақдим этиш муддати ва тартиби белгиланади ҳамда у далилни сақлаётган шахсга юборилади.

Далилни сақлаётган шахс уни бевосита судга юборади ёки тегишли ажримни тақдим этган шахс орқали судга топширади. Агар далилни белгиланган муддатда тақдим этиш имкони бўлмаса, бу ҳақда сабабларини кўрсатган ҳолда, судни хабардор қилиши шарт. Далилни узрсиз сабабларга кўра, тақдим этмаслик суд жаримасига сабаб бўлиши мумкин.

Шундай қилиб, даъвогар жавобгарда мавжуд далилни мустақил равишда ололмаса, судга далилни талаб қилиб олиш тўғрисида илтимоснома киритади ва унда далилнинг иш учун аҳамияти, белгилари ҳамда жойлашган жойини кўрсатади.

Telegram

Муқаддам судланган 21 ёшли эркак Жиноят кодексининг 219-моддаси (ҳокимият вакилига ёки фуқаровий бурчини бажараётган шахсга қаршилик кўрсатиш) билан айбли деб топилиб, жиноят ишлари бўйича Ховос туман суди унга 4 йил 1 ой муддатга озодликдан маҳрум қилиш жазосини тайинлади

Telegram

САВОЛ:

Мен биринчи инстанция судининг ҳал қилув қароридан норози бўлиб, апелляция шикояти бермоқчи бўлиб шаҳар судига мурожаат қилдим. Аммо шикоятни ишни биринчи инстанцияда кўрган туманлараро судига топширишим кераклигини айтишди. Нега апелляция шикояти яна биринчи инстанция судига берилади ва уни ким кўриб чиқади?

ЖАВОБ:

Апелляция шикоятининг биринчи инстанция судига берилиши амалдаги Иқтисодий процессуал кодексининг 261-моддасида белгиланган. Аниқроқ айтганда, ушбу моддага мувофиқ, апелляция шикояти апелляция инстанцияси суди номига йўлланади, бироқ ҳал қилув қарорини қабул қилган судга берилади. Ҳал қилув қарорини қабул қилган суд шикоят келиб тушган кундан эътиборан беш кун ичида уни иш билан бирга апелляция инстанцияси судига юбориши шарт.

Апелляция шикоятини кўриб чиқиш ваколати Иқтисодий процессуал кодексининг 260-моддасида белгиланган бўлиб, унга кўра, туманлараро иқтисодий судларнинг ҳал қилув қарорлари устидан берилган апелляция шикоятлари Қорақалпоғистон Республикаси суди, вилоятлар ва Тошкент шаҳар судларининг иқтисодий ишлар бўйича судлов ҳайъатлари томонидан кўриб чиқилади.

Шу сабабли апелляция шикояти бевосита апелляция инстанцияси судига эмас, балки ҳал қилув қарорини қабул қилган биринчи инстанция судига берилади. Бунда биринчи инстанция судининг вазифаси шикоятни иш билан бирга белгиланган муддатда апелляция инстанциясига юборишдан иборат бўлиб, шикоятни мазмунан кўриб чиқиш ваколати апелляция инстанцияси судига тегишлидир.

Апелляция инстанцияси суди ишни кўриш жараёнида биринчи инстанция судининг ҳал қилув қарорининг қонунийлиги ва асослилигини текширади ҳамда ишни тўлиқ кўриб чиқади.

Telegram

Жиноят ишлари бўйича Мирзо Улуғбек туман судининг ёшлар ва кенг жамоатчилик иштирокида ўтказилган сайёр мажлисдан репортаж

Telegram

ҚОРА НИҚОБ

Иш қидириб…

Нурали ўрта мактабни тугатиб, ўқишга кириш учун бир-икки йил ўзини синаб кўрди. Бахти чопмади. “Бор-э!” деди-да, тўғри келган ишни қилиб юраверди. Озгина даромад топиб, кунини ўтказарди. Ўрни келганда мардикорлик ҳам қилди. Бир қурилиш ширкатига ҳам ишга кириб, бироз ишлади. Тенгқурларининг кўпи ўқиди, баъзилари касб-ҳунар эгаллади, синфдош йигитларнинг бари уйли-жойли бўлди. Кўплари фарзандларига суннат тўйлари ҳам ўтказишди.

Нурали эса ҳамон тузукроқ ишнинг бошини тутмади, уйланмади ҳам.

Хорижда ишлаётган тенгдошлари янги уйлар қуришди, баъзиларининг енгил автомашинаси ҳам бор. Буларни кўриб, у ҳам бош қотирди. “Мен ҳам хорижга чиқиб ишласам, бойиб кетарман”, деган хаёл кўнглидан ўтди.

Ҳафта-ўн кун шу хаёл уни сира тарк этмади. Охири чет элга бориб ишлаш мақсадида хорижга чиқиш паспортини олиш учун ҳужжат топширди. Бир ҳафта ўтгач, “қизил паспорт”ли бўлди. Шу паспортни қўлга олгач, ўзини худди чет элда юргандек ҳис қилди. Қаерга боришини узоқ ўйлаб, охири синфдош дўсти Ғофурнинг Москва шаҳрида ишлаётгани эсига тушди.

Кечки пайт уларникига бориб, отасидан Ғофурнинг телефон рақамини олиб қайтди. Кечқурун овқатланиб бўлгач, хонасига кириб, унга қўнғироқ қилди. Нариги томондан: “Нурали, кел, сенбоп иш бор”, деб ўртоғи яшаш манзилини айтди.

Нурали ишлаб тўплаган пули озлигини билиб, яна бир ҳафта таниши билан тинмай ишлади. Кетар куни эса онасига Москвага — Ғофурнинг олдига, иш борлиги учун кетаётганини айтди.

— Болам, бориб ишласанг ишла. Тенгқурларинг аллақачон уйланиб, ҳатто болаларига суннат тўйларини ҳам ўтказди. Қўлимиз калталик қилиб, бир-икки жойга совчиликка оғиз солгандик, кўрдинг-ку, “Ишининг тайини йўқ”, деб кўнишмади. Ишласанг, яхшилаб ишлаб келгин, сенинг ҳам тўйингни кўрайлик, — деди онаизор.

Нурали лаш-лушларини йиғиштириб, Шўрчи бош бекатидан Тошкентга йўл олди ва у ердан Москва шаҳрига чипта олиб, учиб кетди.

👉 Батафсил

Telegram

Маъмурий жавобгарлик тўғрисидаги кодекснинг 195-2-моддаси (ҳуқуқни муҳофаза қилувчи органлар ходимларининг фото- ва (ёки) видеотасвирини уларнинг обрўсизлантирилишига олиб келадиган тарзда бузиб тарқатиш)да назарда тутилган ҳуқуқбузарликни содир этган қаршилик 25 ёшли йигит 10 суткага маъмурий қамоққа олинди

Telegram