Телеграм канал «O‘zbekiston Badiiy akademiyasi»

Prezidentimiz Qoraqalpog‘istonga safarini marhum Kallibek Kamalov xonadoniga tashrifdan boshladi.
—
Президент нашей страны начал поездку в Каракалпакстан с посещения дома покойного Каллибека Камалова.

Prezident.uz|Facebook|Instagram|YouTube|X

17.09.2026 #Toshkent
RANGLARDA INSON QALBI VA YURT MANZARALARI

Toshkentda shahar muhitini yanada obod va zamonaviy qilish, madaniyat va kino sohasini rivojlantirishga qaratilgan yangi loyihalar amalga oshirilmoqda.

Prezident Administratsiyasi rahbari Saida Mirziyoyeva Shayxontohur tumanidagi yangi istirohat bog‘i loyihasi, Yangi Toshkentdagi qurilish jarayonlari hamda “O‘zbekfilm” kinostudiyasining faoliyati bilan tanishdi.

telemetr.me/Rasmiy_axborot_official

🎨 Nilufar Xidoyatovaning “Arab tangosi” nomli shaxsiy ko‘rgazmasi

📆 Bugun, 17-sentabr kuni O‘zbekiston Badiiy akademiyasi Ikuo Xirayama nomidagi Xalqaro madaniyat karvonsaroyida rassom Nilufar Xidoyatovaning Botir Zokirov tavalludining 90 yilligiga bag‘ishlangan “Arab tangosi” nomli shaxsiy ko‘rgazmasi ochildi.

🎙 Ko‘rgazmada rassomning turli yillarda yaratgan 50 dan ortiq rangtasvir va grafika asarlari jamlangan. Ekspozitsiyaning asosiy qismini Botir Zokirov siymosiga bag‘ishlangan asarlar tashkil etadi. Bu holat tasodifiy emas: Nilufar Xidoyatova ko‘p yillardan buyon o‘z ijodida o‘zbek san’ati va estrada madaniyatining yorqin namoyandasi bo‘lgan Botir Zokirov obraziga murojaat qilib keladi.

🖼 Rassom talqinidagi Botir Zokirov birgina portret qahramoni sifatida emas, balki uning ijodiy dunyosini tashkil etgan musiqa, sahna, Sharqona ohang va obrazlar olami bilan bog‘liq timsol sifatida namoyon bo‘ladi. Turli davrlarda yaratilgan portretlarda xonandaning qiyofasi, sahnadagi obrazi va rassom tasavvuridagi turli holatlari aks etgan.

🩸Ko‘rgazmaning “Arab tangosi” deb nomlanishi ham bevosita Botir Zokirov ijodi bilan bog‘liq. Ekspozitsiyada xonanda obrazlari bilan bir qatorda Sharq va Hind madaniyatiga xos obrazlar, ayol siymolari, dekorativ kompozitsiyalar ham uchraydi. Shu tariqa rassom Botir Zokirov ijodida muhim o‘rin tutgan turli madaniy va musiqiy ohanglarni tasviriy san’at vositalari orqali ifodalashga intiladi.

🖌 Nilufar Xidoyatovaning ijodiy yo‘nalishida rangtasvir va grafika bilan bir qatorda vokal san’ati ham alohida o‘rin egallaydi. Rassomning o‘zi ham qo‘shiqchilik bilan shug‘ullanishi uning ikki san’at turi — musiqa va tasviriy san’at o‘rtasidagi bog‘liqlikka bo‘lgan qiziqishini belgilaydi. Uning ijodiy qarashlarida rang va musiqa bir-birini to‘ldiruvchi, insonda go‘zallik va ma’naviy kechinma uyg‘otuvchi ikki badiiy ifoda vositasi sifatida qaraladi.

🏆 Rassomning Botir Zokirov ijodiga bo‘lgan e’tibori avvalgi yillardagi ishlarida ham o‘z aksini topgan. Xususan, 2021-yilda Toshkent shahar Madaniyat bosh boshqarmasi tomonidan Botir Zokirov xotirasiga bag‘ishlab o‘tkazilgan “Milliy san’atimizning fidoyisi” nomli tasviriy san’at ko‘rik-tanlovida ishtirok etib, Gran-pri bilan taqdirlangan.

✅ “Arab tangosi” ko‘rgazmasi rassomning rangtasvir va grafika sohasidagi izlanishlari, shuningdek, musiqa bilan chambarchas bog‘liq ijodiy qarashlarini bir ekspozitsiyada namoyon etadi. Unda rassom uchun alohida ahamiyat kasb etuvchi Botir Zokirov siymosi turli obraz va kompozitsiyalar orqali qayta talqin qilinadi.

⏱️ Ko‘rgazma 27-sentabrga qadar davom etadi.

📝Telegram |📝 Facebook | 💻Instagram |🟥 YouTube | 🌐 Website

🖌 Harflar ortidagi olam

Har bir harf — bir hikoya, har bir satr — bir olam!

🎨 O‘zbekiston Badiiy ijodkorlar uyushmasi a’zosi Sa’diya Faxriddinova va shogirdlarining “Harflar ortidagi olam” nomli xattotlik ko‘rgazmasiga taklif etamiz!

Ochilish marosimi:
📆 25-sentabr, 2026-yil
⏰️ Soat 15:00
📍 Toshkent fotosuratlar uyi
📌 Toshkent shahri, Istiqlol ko‘chasi, 4-uy

✨ Nafis xattotlik namunalari, betakror ijodiy izlanishlar va go‘zallikka yo‘g‘rilgan harflar olamiga sayohat sizni kutmoqda!

📝Telegram |📝 Facebook | 💻Instagram |🟥 YouTube | 🌐 Website

🎨 San’atga yana bir yangi makon qo‘shildi!

📻 O‘zbekiston Badiiy akademiyasi tasarrufidagi Qo‘qon ixtisoslashtirilgan san’at maktabidagi yangi galereya va uning ilk ko‘rgazmasi haqida “Mahalla” radiosining “Xabarlar” dasturida.
|
📝Telegram |📝 Facebook | 💻Instagram |🟥 YouTube | 🌐 Website

❗️Bolalar xavfsizligi: Yevropa ijtimoiy tarmoqlar uchun yosh chegarasini kuchaytirmoqda

📢 Yevropa Komissiyasi Prezidenti Ursula von der Leyen bolalarni ijtimoiy tarmoqlardagi xavflardan himoya qilish bo‘yicha yangi yondashuvni ma’lum qildi.

⚡️Yevrokomissiya “Kids Act” doirasida 13 yoshgacha bo‘lgan bolalar uchun ijtimoiy tarmoqlardan foydalanishni cheklash, 15 yoshgacha shaxsiy akkaunt ochishni taqiqlash, 13–15 yoshdagilar uchun esa ota-ona nazoratidagi cheklangan “mini-akkaunt”larni joriy etishni taklif qilmoqda.

Bunday akkauntlardan foydalanish kuniga bir soat bilan cheklanishi, 15–18 yoshdagilar uchun esa platformalarda “safe design” talabi qo‘llanishi ko‘zda tutilmoqda.

Von der Leyen texnologik platformalarning bolalarga ta’siri haqida gapirar ekan, qaramlikka olib keluvchi funksiyalar, tobora ekstremal kontentga tortilish va qizlarning fotosuratlaridan sun’iy intellekt orqali jinsiylashtirilgan soxta tasvirlar yaratishni qabul qilib bo‘lmasligini ta’kidladi.

“Biz qaramlikni keltirib chiqaruvchi funksiyalarni qabul qilishga majbur emasmiz. Bolalarning tobora ekstremal kontentga tortilishiga ham rozi bo‘lmasligimiz kerak.”
✅ Yevrokomissiya rahbari yana bir muhim tamoyilni ilgari surdi: platformalar o‘z xizmatlari bolalar uchun xavfsiz ekanini isbotlashi kerak. Uning ta’kidlashicha, masala faqat bolalarning ijtimoiy tarmoqlarga kirishida emas, balki ijtimoiy tarmoqlarning bolalar hayotiga qachon va qanday kirib kelishida.

📌 Bolalarni raqamli muhitda himoya qilish — faqat texnologiya masalasi emas. Bu ota-ona, jamiyat va platformalar zimmasidagi umumiy mas’uliyatdir.

✅ Bolalarimizning ongi va shaxsiy daxlsizligi algoritmlar ixtiyorida qolmasligi kerak. Raqamli erkinlik xavfsizlik va mas’uliyat bilan birga bo‘lishi shart.

telemetr.me/Rasmiy_axborot_official