Телеграм канал «ရခိုင်သတင်းမှန်»

နေပြည်တော်၊ ဒက္ခိဏသီရိမြိုနယ်ရှိ မာရဝိဇယဗုဒ္ဓရုပ်ပွားတော်မြတ်ကြီးတွင် တန်ဆောင်တိုင် မီးထွန်းပွဲတော်နှင့် ဈေးရောင်းပွဲတော်အား (၂-၁၁-၂၀၂၅ မှ ၄-၁၁-၂၀၂၅ ရက်နေ့အထိ) ၃ ရက်တိုင်တိုင် နိုင်ငံကျော်အဆိုတော် ၄၉ ဦးနဲ့အတူ စည်ကားသိုက်မြိုက်စွာ ကျင်းပပြုလုပ်သွားမည်။

မြစ်ငယ်အထက်တန်းကျောင်း၌ ဓားထိုးမှုဖြစ်ပြီး ကျောင်းသား၊ ကျောင်းသူ ၃ ဦး ဆေးရုံတင်ထားရ မန္တလေးတိုင်း၊ အမရပူရမြို့နယ်၊ မြစ်ငယ်မြို့ အထက်တန်းကျောင်းမှာ အောက်တိုဘာ ၂၂ ရက် နေ့လယ် ၁၂ နာရီခွဲကအရပ်သားလူငယ်တယောက်က ညီမဖြစ်သူကို အအေးဘူး ပေးမယ်ဆိုပြီး Grade 11 ဘီ ခန်းအတွင်း ဝင်ကာ ကျောင်းသူတယောက်ကို လည်ပင်းညှစ် ဓားနဲ့ထိုးပြီး ဝင်ဆွဲတဲ့ ကျောင်းသားတယောက်နဲ့ ကျောင်းသူတယောက်ပါ ဓားနဲ့ထိုးခံရတာလို့ မြို့ခံတယောက်က  ပြောပါတယ်။ “မုန့်စားဆင်းချိန် Grade 11 ဘီ ခန်းမှာ ဖြစ်သွားတာ။ အဲဒီကောင်လေးက သူ့ညီမကို မုန့်ပေးမယ် ဆိုပြီး ဝင်လာတာ။ အခန်းထဲရောက်တော့ ကျောင်းသူလေးကို လည်ပင်းကိုညှစ်ပြီး ဓားနဲ့ထိုးတာ။ ဘေးက သူငယ်ချင်းတွေက ဝင်ဆွဲတယ်၊ ဝင်ဆွဲတဲ့ သူငယ်ချင်း ၂ ယောက်ကိုလည်း ဓားနဲ့ထိုးပြီး ထွက်ပြေးသွားတယ်။ ၃ ယောက်စလုံး ဆေးရုံမှာ။” ဓားနဲ့ထိုးခံရသူတွေဟာ Grade 11 ဘီ ဝိဇ္ဇာတွဲအခန်းမှ မစုမြတ်နိုးဦး၊ မရွှေစင်ငြိမ်းနဲ့ မောင်ဝင်းထွန်းမျိုး တို့ဖြစ်ပြီး မန္တလေးဆေးရုံကြီးကို ဆေးကုသဖို့ ပို့ဆောင်ထားရတယ်လို့ အုပ်ချုပ်ရေးနဲ့ နီးစပ်သူတယောက်က ပြောပါတယ်။ “ဓားနဲ့ထိုးတဲ့ အကြောင်းအရင်းကို မသိရသေးပေမဲ့ အပြင်လူကို ကျောင်းဝင်းထဲကို ဝင်ခွင့်ပြုတဲ့ ဆရာ၊ ဆရာမတွေမှာပဲ တာဝန်ရှိတယ်။ သူ့ညီမကို ခေါ်ပေးပြီး ကျောင်းအပေါက်ဝမှာ မုန့်နဲ့ အအေး ပေးလို့မရဘူးလား။ ဓားနဲ့ထိုးခံရတဲ့ ၃ ယောက်ထဲမှာ လည်ပင်းကို ဓားနဲ့ထိုးခံရတဲ့ ကလေးမက စိုးရိမ်ရတယ်။ ကျန်တဲ့နှစ်ယောက်က ဝင်ဆွဲတော့ လက်တွေပဲရှပ်ထိတာ။” လတ်တလောမှာ ကျောင်းသား၊ ကျောင်းသူ ၃ ယောက်ကို မန္တလေးဆေးရုံကြီးမှာ ဆေးကုသမှု ခံယူနေရပြီး ဓားနဲ့ထိုးခဲ့တဲ့ ဝိုင်းဝိုင်း ဆိုသူ လူငယ်ကို ရဲတွေက ဖမ်းမမိသေးဘူးလို့ သူက ပြောပြပါတယ်။

မုံရွာမြိုတွင် တန်ဆောင်တိုင်ပွဲတော်ကို (၄)ရက်ကြာကျင်းပမည် မုံရွာမြိုတွင် တန်ဆောင်တိုင်ပွဲတော်ကို နိုဝင်ဘာလ (၁)ရက်မှ (၄)ရက်အထိ စည်ကားစွာကျင်းပသွားမည်ဖြစ်ကြောင်း သိရသည်။ စစ်ကိုင်းတိုင်းဒေသကြီးအစိုးရအဖွဲ၏ ဦးဆောင်မှုဖြင့် စုပေါင်းမဟာဘုံကထိန်အလှူတော်ပဒေသာပင်များကိုတန်ဆောင်မုန်းလဆန်း (၁၂)ရက်၊ ၂၀၂၅ ခုနှစ်၊ နိုဝင်ဘာလ (၁) ရက် (စနေနေ့) မွန်းလွဲပိုင်းတွင် မုံရွာမြိုတွင်းသို လှည့်လည်ပူဇော်မည် ဖြစ်သည်။ ထိုနောက် စစ်ကိုင်းတိုင်းဒေသကြီး အစိုးရအဖွဲ၊ ချင်းတွင်းခန်းမတွင် တန်ဆောင်မုန်းလဆန်း (၁၃)ရက်၊ နိုဝင်ဘာလ (၂) ရက်နေ့ ၊ နံနက်ပိုင်း၌ စစ်ကိုင်းတိုင်းဒေသကြီး အစိုးရအဖွဲ၊ တိုင်းဒေသကြီး၊ ခရိုင်၊ မြိုနယ် ဌာနဆိုင်ရာများနှင့် အဖွဲအစည်းများ၊ မြိုမိမြိုဖများ၏ စုပေါင်းမဟာဘုံကထိန် အလှူတော်မင်္ဂလာအခမ်းအနားကို ကျင်းပမည်ဖြစ်သည်။

ရွှေဘုန်းပွင့်စေတီတော်မြတ်ကြီးတွင် ရွှေကြာသင်္ကန်း ကပ်လှူပူဇော်မည် ရန်ကုန်မြို၊ ပုဇွန်တောင်မြိုနယ်ရှိ သမိုင်းဝင်ရွှေဘုန်းပွင့်စေတီတော်မြတ်ကြီးတွင် တန်ဆောင်မုန်းလပြည့်နေ့၌ ရွှေကြာ သင်္ကန်း ကပ်လှူပူဇော်မည်ဖြစ်ကြောင်း ရွှေဘုန်းပွင့်စေတီတော် ဘဏ္ဍာတော်ထိန်းဂေါပကအဖွဲထံမှ သိရသည်။ သမိုင်းဝင်ရွှေဘုန်းပွင့် စေတီတော်မြတ်ကြီးကိုရန်ကုန်တိုင်းဒေသကြီး၊ ဗိုလ်တထောင်ခရိုင်၊ ပုဇွန်တောင်မြိုနယ်၊ အမှတ် (၇)ရပ်ကွက်တွင် တည်ထားကိုးကွယ်ထားပြီး ပဉ္စမအကြိမ် ရွှေကြာသင်္ကန်း ဆက်ကပ်ပူဇော်ပွဲကို တန်ဆောင်မုန်းလပြည့်နေ့တွင် ကျင်းပသွားမည်ဖြစ်ကြောင်း သိရသည်။

❝ဆင်မကြီး မိုမို၏ (၇၂) နှစ်ပြည့်မွေးနေ့ကို ၃ ရက်တိုင်တိုင်ကျင်းပမည်❞ ရန်ကုန်တိရစ္ဆာန်ဥယျာဉ်ရှိ အရပ်အမြင့် ၇ ပေ ၉ လက်မနှင့် ကိုယ်ထည်လုံးပတ် ၁၅ဝ လက်မရှိသည့် ဆင်မကြီးမိုမို၏ အသက် (၇၂) နှစ်ပြည့် မွေးနေ့ကို အောက်တိုဘာ ၂၄ ရက်မှ ၂၆ ရက်နေ့အထိ ၃ ရက်တိုင်တိုင် ကျင်းပပြုလုပ်သွားမည်ဖြစ်ကြောင်း သိရသည်။ အဆိုပါ ပြည်သူ့အချစ်တော် ဆင်မကြီးမိုမို၏ မွေးနေ့များကို ၎င်းဆင်မကြီး အသက် ၆၀ ပြည့်ကတည်းက စတင်ကျင်းပခဲ့ရာ ယခုအခါ ၁၂ ကြိမ်မြောက်အဖြစ် ကျင်းပပြုလုပ်မှာဖြစ်ပြီး အောက်တိုဘာ ၂၆ ရက်‌၊ နံနက် ၁၀ နာရီတွင် သစ်သီးပေါင်းစုံ ကိတ်မုန့်ခွဲကာ မွေးနေ့ဆုတောင်းပေးသွားကြမည်ဖြစ်သည်။ ဆင်မကြီးမိုမို ကို ၁၉၅၃ ခုနှစ်တွင် မွေးဖွားခဲ့ပြီး အသက် ၇ နှစ်ကျော်အရွယ် ၁၉၆၁ ခုနှစ် ဖေဖော်ဝါရီလ၌ ကယားပြည်နယ် လွိင်ကော်မြိုနယ်တွင်နေသော ဦးခွန်ဆန္ဒမှ တိရစ္ဆာန်ဥယျာဉ်သို လှူဒါန်းခဲ့ခြင်းဖြစ်ပြီး ဦးခွန်ဆန္ဒ၏ ဇနီးဖြစ်သူ နော်မိုမိုအား ဂုဏ်ပြု၍ မိုမိုဟု အမည်ပေးခဲ့ခြင်းဖြစ်ကြောင်း သိရသည်။

ပွဲကမစသေးဘူးဗျာ ဆိုင်ခန်းကတော့ ပြည့်နေတာပဲ ၂၀၂၅ တောင်ကြီးတန်ဆောင်တိုင်ပွဲတော်