Телеграм канал «Андижон вилояти судлари | Расмий канал»

"Андижоннома" газетасининг 2026 йил 17 январь кунги 3-4-сонларида Андижон вилояти судининг фуқаролик ишлари бўйича судлов ҳаъати судьяси Муқаддамхон Аҳмадалиеванинг "Замон талабига ҳамоҳанг ўзгаришлар" сарлавҳали мақоласи чоп этилди Сайт I Telegram

"Андижоннома" газетасининг 2026 йил 17 январь кунги 3-4-сонларида Андижон вилояти судининг фуқаролик ишлари бўйича судлов ҳаъати судьяси Муқаддамхон Аҳмадалиеванинг "Замон талабига ҳамоҳанг ўзгаришлар" сарлавҳали мақоласи чоп этилди Сайт I Telegram

Марҳаматлик Алишер Мирвоҳидовнинг боғдор­чиликка ихтисослашган бир гектар ер майдонида турли мевали дарахтлар, гул кўчатлари барқ уриб ўсиб ётарди. Кўркам боғ, албатта, ўтган-кетганнинг эътиборини тортмай қолмасди. Кадастр агентлиги туман бўлими бошлиғи Тўхтамурод Давронов ҳам бу боққа назар солди. Унинг эътиборини дастлаб боғбон боғ четида қурган иншоот ўзига тортди: қонуниймикин, ноқонуниймикин?! Албатта, у буни биларди, биларди-ю, аммо... “Каттагина ер майдонини банд қилиб турибди бу қурилма. Бир суриштириб кўриш керак. Бу ерда бир гап бор-ов...” Унинг хаёлида шунга ўхшаш фикрлар айлана бош­лади. Аслида А. Мирвоҳидов бу ерни раҳматли отасининг маслаҳати ва тавсияси, қисман молиявий сармояси эвазига кимошди савдосида қонуний тарзда сотиб олганди. Шундан буён боғ ҳам бола-чақасининг, ҳам ўзгаларнинг корига яраб турарди. Шу боғ бор экан, отаси айтгандек, рўзғорида қўр, барака бор... Йиллар оралаб, у боғ четида 4 хона уй қурди. Боққа келган туман кадастр бўлими бошлиғи айнан ушбу қурилмани ноқонуний эканини айтди. — Бузасиз, вассалом! Бу ноқонуний қурилган! — деди у. Боғбон-ку, буни тушунди. Тушунмай ўлибдими, нақ тўрт йил собиқ пахтачилик институти тупроғини ялаган, ёш бола ҳам эмас, аммо не қилсинки, бу иморатни тиклагунча, озмунча маблағ сарфламаганди. Шундай экан, кимдир келиб, “Буз, буз!” деса, у бир ғишт эмаски, у ердан-бу ерга силжитиб қўяверилса... Ўша куни Т. Давронов ноқонуний қурилма учун тегишли идораларга хабар бериши, 300 миллион сўм жаримага тортилиши ҳақида ҳам айтди. Шундан сўнг А. Мирвоҳидов ўйга ботиб қолди: нима қилиш керак?! Қандай йўл тутса, ҳаммаси қонуний бўлади?! Хуллас, у ўйлай-ўйлай Т. Давроновнинг хизмат хонасига борди. “Қурилмани қонуний тартибда расмийлаштиришга ёрдам беринг”, деб илтимос қилди. Кадастр бошлиғининг хаёлида эса, бошқа ўй айланарди. У ҳозир ўзини ўлжаси қаршисида турган овчидек ҳис этарди... — Майли, сизга бир яхшилик қиламан, — деди ниҳоят у. — Шундай қиламизки, сих ҳам куймайди, кабоб ҳам. Яъни мен айтган ҳужжатларингизни тайёрлаб бераман. Бошқа идораларга ҳам сизни югуртириб, хабарнома, далолатнома деган қоғозлар жўнатмайман. Келгусида ўзингиз айтгандек, ўша қурилмаларни расмийлаштириб бераман. Фақат, бунинг озгина чиқими бор – 6 000 доллар берасиз... А. Мирвоҳидов унинг талабига рози бўлди, бундан бошқа иложи ҳам йўқ эди. — Бу маблағни қанча тез етказсангиз, иш шунча тез битади, — деди Т. Давронов. — Яна бир ўйлаб кўринг. Айтишга осон, талаб қилинган пул кичкина маблағ эмас. Аммо боғбоннинг дўпписи ҳозир тор келиб турганди. Орадан кўп ўтмай у Т. Давроновнинг хизмат хонаси эшигини тақиллатди. — Кираверинг, — деди Т. Давронов чеҳраси очилиб. У бир неча лаҳзалар ичида кафтида пайдо бўладиган катта маблағни ўйлаб қувонарди. — Опкелдим, — дея А. Мирвоҳидов бир боғлам хориж валютасини стол устига қўйди. Т. Давронов эса, уни тезда олди-ю, иш столи тортмасига ташлади. Сўнг ҳужжатларни тезда расмийлаштириб беришини таъкидлади. — Умрингиздан барака топинг, — деди А. Мирвоҳидов ва хонадан чиқди. Шу пайт, ажабки, хонага бошқа – чақирилмаган ва кутилмаган меҳмонлар кириб келишди ва хизмат гувоҳномаларини кўрсатиб, ўзларини таништиришди. Шу тариқа Т. Давроновнинг ғайриқонуний қилмиши якун топди. Бу жиноий қилмиш жиноят ишлари бўйича Марҳамат тумани судида кўриб чиқилди ва таъмагир мансабдорнинг қилмишига қонуний баҳо берилди. Жиноят кодексининг тегишли моддаларида кўрсатилган қилмишни содир этган Т. Давронов суднинг ҳукмига кўра, 2 йил кадастр тизимида ишлаш ваколатидан маҳрум этилиб, 5 йил муддатга озодликдан маҳрум қилинди. Бу жиноий қилмишни баён этишимиздан мақсад шуки, мансаб ваколатини суиистеъмол қилиш, таъмагирликка рўжу қўйиш ҳеч қачон изсиз кетмайди, балки муқаррар жавобгарликка сабаб бўлади. Шундай экан, ҳалол меҳнат, зиммадаги вазифаларга виждонан муносабатда бўлиш нафақат обрў-эътибор олиб келишини, балки кўнгил хотиржамлигини ҳам таъминлашини ҳеч қачон унутмаслик керак. Умидахон ИМОМОВА, Андижон вилояти судининг жиноят ишлари бўйича судьяси Telegram

Менда савол бор | “Мен Андижон шаҳрида истиқомат қиламан. Турмуш ўртоғим билан ўртамизда ўзаро келишмовчиликлар мавжуд бўлиб, бирга яшамаймиз. Ҳозирда фарзандларини моддий таъминламасдан Навоий вилоятида яшаб келаётганлиги сабабли, алимент ундириш ҳақида қайси судга мурожаат қилишим мумкин?” Саволга фуқаролик ишлари бўйича Хўжаобод туманлараро судининг раиси Садоқатхон Абдуқодирова жавоб беради Сайт I Telegram

“Соядаги сиёсатчилар” телеграм канали маъмури Жаҳонгир Жиянов суд ҳужжатлари билан танишиш мақсадида суд биносига келиб, гўёки “бир соатдан ортиқ асоссиз равишда куттирилгани” ҳақида иддао қилган. Мазкур ҳолат юзасидан суд биносига ўрнатилган видеокузатув камералари ёзувлари кўздан кечирилганда, суд мажлиси ўтказилаётганлиги сабабли, фуқаро 20 дақиқа кутгани ҳамда сўралган суд ҳужжатлари билан танишиб чиққанлиги аён бўлди. Аниқланишича, тегишли фуқаролик иши бўйича 152 варақдан иборат барча суд ҳужжатларидан нусха олиб беришни сўраган. Судья ёрдамчиси томонидан ариза қолдириб кетиши тушунтирилишига қарамасдан, канал маъмури мазкур мулоқотни асл ҳолатидан фарқли тарзда тасвирга олиб, телеграм каналига жойлаштирган. Қайд этиш жоизки, 9 январь куни фуқарога сўралган барча суд ҳужжатларининг нусхалари тақдим этилган. Сайт I Telegram

Ижтимоий тармоқларда фуқаролик ишлари бўйича Хўжаобод туманлараро суди судьялари иш вақтида жойида бўлмагани, доимий равишда йиғилишларда иштирок этаётгани ҳақида билдирилган хабар юзасидан Мазкур ҳолат юзасидан ўрганиш ишлари олиб борилганида, фақат бир маротаба, хизмат зарурати билан боғлиқ тартибда ўтказилган вилоят миқёсидаги йиғилиш муносабати билан кузатилгани аниқланди. Бу эса доимий ёки тизимли ҳолат эмас. Шуни таъкидлаш лозимки, суд фаолияти қонунчилик талабларига риоя этилган ҳолда, фуқароларнинг мурожаатларини қабул қилиш ва суд ишларини кўриб чиқиш судьяларнинг доимий эътиборида. Сайт I Telegram

Андижон туманлараро маъмурий суди томонидан маҳаллий давлат ҳокимияти ва бошқа давлат органларига нисбатан қарорларни ҳақиқий эмас деб топиш ҳамда хатти-ҳаракатларини қонунга хилоф деб топиш ҳақидаги аризалар асосида жами 934 та маъмурий ишлар кўриб тамомланган. 👉Батафсил Сайт I Telegram