Телеграм канал «Андижон вилояти судлари | Расмий канал»

Э С Л А Т М А !

Ўзбекистон Республикаси Президентининг 2025 йил 21 августдаги “Судлар фаолиятига сунъий интеллект технологияларини жорий этиш орқали одил судловга эришиш даражасини ошириш ҳамда суд тизимининг моддий-техник таъминотини яхшилашга доир қўшимча чора-тадбирлар тўғрисида”ги ПФ-140-сонли Фармонига мувофиқ, Республикада фаолият юритиб келган барча туманлараро иқтисодий судлар тугатилиб, уларнинг негизида янги, Қорақалпоғистон Республикаси, вилоятлар марказлари ва Тошкент шаҳрида ягона – туманлараро иқтисодий судлар ташкил этилган.

Бугунги кунда Андижон вилоятида иқтисодий судга тааллуқли ишлар - Андижон туманлараро иқтисодий судида кўрилмоқда.

Андижон вилояти Андижон туманлараро иқтисодий суди.

Манзил: 📍Андижон шаҳри, Навоий шоҳкўчаси, 41-уй.
Телефон: 74-224-42-44 (60-044)

Сайт I Telegram

“Соядаги сиёсатчилар” телеграм каналидаги билдириш юзасидан

Мазкур канал маъмури Ж. Жиянов вазирнинг “меҳнат шартномасини бекор қилиш тўғрисида”ги буйруғини ғайриқонуний деб топиб, бекор қилиш ва мажбурий ишсиз қолган кунлари учун иш ҳақи ҳамда маънавий зарар ундириш юзасидан фуқаролик ишлари бўйича Андижон туманлараро судига ариза киритган.

Суднинг ҳал қилув қарори билан даъво талаблари қисман қаноатлантирилиб, вазирликдан даъвогар фойдасига огоҳлантириш муддатига мутаносиб равишда пулли компенсация ундирилган ҳамда қолган талаблар асоссиз деб топилиб рад этилган.

Кейинчалик Ж. Жиянов томонидан мазкур суд қарори устидан киритган апелляция шикояти Андижон вилоят суди фуқаролик ишлари бўйича судлов ҳайъатида кўриб чиқилиб, қуйи суднинг ҳал қилув қарори ўзгаришсиз, апелляция шикояти рад қилинган.

Ушбу ажрим устидан тарафлар қонунда белгиланган тартиб ва муддатда Андижон вилоят суди фуқаролик ишлари бўйича судлов ҳайъатига тафтиш тартибида шикоят бериш ва протест келтиришга ҳақлилиги маълум қилинади.

Сайт I Telegram

Андижон вилоят судида судьялар ва суд аппарати ходимлари иштирокида коррупцияга муросасиз муносабатни шакллантириш, фаолиятда шаффофлик ва очиқ мезонларни таъминлаш масалалари юзасидан семинар ташкил этилди.

Тадбирда суд тизимида манфаатлар тўқнашувининг олдини олиш, хизмат одоби ва касбий этика қоидаларига қатъий риоя қилиш, шунингдек, коррупциявий хавф-хатарларни барвақт аниқлаш ва бартараф этиш хусусида сўз юритилди.

Семинар якунида суд ҳокимиятига бўлган жамоатчилик ишончини янада мустаҳкамлаш, одил судловни амалга оширишда холислик ва беғаразлик тамойилларига амал қилиш таъкидланди.

Сайт I Telegram

Ижтимоий тармоқларнинг бирида эълон қилинган билдириш юзасидан

Жиноят ишлари бўйича Андижон шаҳар судининг 2024 йил 21 августдаги ҳукмига кўра С.М. Ўзбекистон Республикаси ЖК 244-1-моддаси 3-қисмининг “г” банди билан айбли деб топилиб, 5 йил муддатга озодликдан маҳрум қилинган.

Суд ҳужжатларида “Facebook” ижтимоий тармоғида турли ақидапарастлик ғоялари билан йўғрилган материалларни (лентасига) жойлаштириб, тарқатган.

Мазкур ҳукм устидан берилган апелляция шикояти Андижон вилоят суди жиноят ишлари бўйича судлов ҳайъатининг 2024 йил 29 октябрдаги ажрими билан қаноатлантирилмасдан, суд ҳукми ўзгаришсиз қолдирилган.

Шунингдек, судланган томонидан ҳимоячиси билан биргаликда келтирилган тафтиш шикояти Андижон вилоят суди жиноят ишлари бўйича судлов ҳайъатида тафтиш тартибида кўриб чиқилмоқда.

2026 йил 16 февраль куни бўлиб ўтган очиқ суд мажлисида ОАВ вакили томонидан суд жараёнини видео тасвирга олиш ҳақида илтимоснома киритилган. Тарафларнинг фикрлари эшитилиб, судлов ҳайъати мазкур илтимосномани рад этиш тўғрисида ажрим чиқарган ҳамда ишни умумий тартибда давом эттиришга қарор қилган.

Иш бўйича айрим ҳолатларга аниқлик киритиш мақсадида гувоҳни суд мажлисига чақириш учун танаффус эълон қилиниб, суд мажлисининг кейинги вақти ҳақида тарафлар хабардор қилинган.

Сайт I Telegram

Жиноят ишлари бўйича Пахтаобод туман суди томонидан ўтказилган сайёр мажлисда пробация назоратидаги шахсларнинг ишлари кўриб чиқилди

Сайт I Telegram

Менда савол бор | “Атроф-муҳитга ифлослантирувчи моддаларни чиқариб ташлаш, оқизиш ва чиқиндиларни жойлаштириш бўйича қонунда қандай тўловлар белгиланаган?”

Саволга Андижон туманлараро иқтисодий судининг судьяси Равшанбек Асқаров жавоб беради

Сайт I Telegram

Жиноят ишлари бўйича Андижон шаҳар судининг ҳукми билан Жиноят кодексининг 97-моддаси (Қасддан одам ўлдириш)да назарда тутилган жиноятни содир этган шахсга 11 йил озодликдан махрум қилиш жазоси тайинланди

Сайт | Telegram