Телеграм канал «Андижон вилояти судлари | Расмий канал»

Менда савол бор | “Кичик корхонада оддий ходим сифатида меҳнат қилиб келаман. Ишдан четлатилмаган ҳолда тўланиши кечиктирилган иш ҳақларимни ундириш юзасидан судга мурожаат қилсам бўладими?”

Саволга фуқаролик ишлари бўйича Хўжаобод туманлараро судининг судьяси Хуршидбек Расулов жавоб беради

Сайт I Telegram

Андижон вилояти судида маърифат соати ўтказилди. Унда тизимдаги ходимлар томонидан «Судлар тўғрисида»ги Қонунининг мазмун-моҳияти ҳамда қонунчиликдаги сўнгги янгиликлар юзасидан атрофлича маълумотлар берилди.

Ушбу маърифий тадбирда одил судловни амалга оширишдаги муҳим тамойиллар, шунингдек, суд тизимини янада такомиллаштиришга қаратилган янгиликлар муҳокама қилинди. Бу эса суд ходимларининг ҳуқуқий билимларини ошириш, қонун ҳужжатларининг мазмунини чуқур англаш ҳамда уларни амалиётда тўғри қўллашга хизмат қилади.

Сайт I Telegram

Тадбиркорлар ҳуқуқлари суд ҳимоясида

Олмалиқ шаҳар прокуратурасининг аризаси асосида кўчмас мулк объектларига бўлган ҳуқуқларни давлат рўйхатидан ўтказиш масаласи бўйича маъмурий иш биринчи инстанцияда кўриб чиқилиб, савдо мажмуасининг ер майдонига доимий фойдаланиш ҳуқуқи билан берилган давлат рўйхатидан ўтказиш гувоҳномаси ҳақиқий эмас деб топилган.

Мазкур қарордан норози бўлган МЧЖ директори Д.И. Андижон вилояти маъмурий судига апелляция шикоятини киритди. Иш апелляция тартибида кўриб чиқилиб, биринчи инстанция судининг қарори ўзгаришсиз, апелляция шикояти рад этилди.

Натижада савдо мажмуасида фаолият юритаётган ва ишга апелляция инстанцияси томонидан жалб қилинган 104 нафар тадбиркорлик субъектларининг ҳуқуқлари ҳимоя қилиниб, қонуний манфаатлари таъминланди.

Сайт I Telegram

Менда савол бор | “Ҳал қилув қарорини тушунтириш ҳақидаги ариза у берилган кундан эътиборан қанча муддатда кўриб чиқилади?”

Саволга Андижон туманлараро маъмурий судининг судьяси Бобуржон Пардаев жавоб беради

Сайт I Telegram

Жиноят ишлари бўйича Хўжаобод туман суди фаолиятидан лавҳа

Сайт I Telegram

Тадбиркорнинг ҳуқуқлари суд ҳимоясида

Андижон вилояти суди иқтисодий ишлар бўйича судлов ҳайъатида банк муассасасининг биринчи инстанция судининг гаровга қўйилган бино-иншоотни тақиқдан чиқариш тўғрисидаги ҳал қилув қарорини бекор қилиш юзасидан киритган апелляция шикояти рад қилиниб, ҳал қилув қарори ўзгаришсиз қолдирилди

Сайт I Telegram

Бугун Олий судда 2025 йилда одил судловни амалга ошириш борасидаги фаолият юзасидан матбуот анжумани ўтказилди.

Тадбирда фуқароларнинг ҳуқуқлари ва қонун билан қўриқланадиган манфаатларини суд орқали ҳимоялаш борасида қилинаётган ишлар, соҳадаги ислоҳотлар ҳақида маълумот берилди.

Таъкидланганидек, мамлакатимизда «Инсон қадри» ғояси асосида ўтказилган муҳим сиёсий-ҳуқуқий жараёнларда янги таҳрирдаги Конституция қабул қилиниб, унда фуқароларнинг ҳуқуқ ва эркинликлари ҳамда қонуний манфаатлари ҳимоясининг кафолатлари янада кучайтирилди.

Фуқаролар ва тадбиркорларга одил судловдан фойдаланиш имкониятлари янада кенгайтирилгани алоҳида қайд этилди.

Хусусан, аҳолининг судга мурожаат қилишига оид масалалар тўлиқ рақамлаштирилди. Ариза йўллаш, ишда иштирок этиш, суд ҳужжатларини олиш ва ишларни кўрилиши ҳақида маълумот олиш каби суд томонидан кўрсатиладиган хизматлар Олий суднинг интерактив хизматлар портали орқали электрон шаклда амалга оширилиши йўлга қўйилди.

Натижада, судлар фаолиятининг очиқлиги таъминланиши билан бирга аҳолининг ўз ҳуқуқларини суд орқали ҳимоя қилиш бўйича ҳуқуқий онги ва маданиятини ошишига эришилмоқда.

Инсон ҳуқуқларини суд орқали ҳимоя қилиш тизимини янада яхшилаш, одил судлов соҳасидаги кадрлар тайёрлаш тизимини тубдан такомиллаштириш, суд соҳасини рақамлаштириш ишларини жадаллаштириш, судларда фуқароларга қулай шарт-шароитлар яратиш борасида бир қатор муҳим қарор ва фармонлар имзоланди.

Жиноят иш юритувида инсонпарварлик тамойиллари асосида «Хабеас корпус» институтини янада кенг татбиқ этиш мақсадида 2025 йил 1 январдан тергов судьялари институти миллий амалиётга жорий этилди.

Бугунги кунда, 205 та жиноят ишлари бўйича туман ва шаҳар судларида 263 нафар тергов судьялари фуқароларнинг ҳуқуқ ва эркинликларини ишончли ҳимоя қилиб, одил судловни амалга оширмоқда.

Давлат органлари билан муносабатларда фуқаролар ва тадбиркорлик субъектларининг ҳуқуқлари ва қонуний манфаатларини ишончли ҳимоя қилиш ва маъмурий суд ишларини юритишни халқаро стандартлардан келиб чиқиб такомиллаштириш мақсадида Ўзбекистон Республикаси маъмурий суд ишларини юритиш тўғрисидаги қонунчиликни такомиллаштириш Концепцияси тасдиқланди.

Суд соҳасини рақамлаштириш, суд тизимининг моддий таъминотини яхшилаш, судьялар корпусини малакали кадрлар билан таъминлашга қаратилган Ўзбекистон Республикаси Президентининг тегишли Фармонлари қабул қилинди.

«Рақамли суд» концепцияси асосида «Ақлли суд» заллари ташкил этиш, судлар фаолиятига энг илғор сунъий интеллект технологиялари жорий этиш, судларга замонавий бинолар қуриш, шунингдек, одил судлов соҳаси учун кадрлар тайёрлашнинг замонавий, ихчам ва оптимал тизими йўлга қўйиш белгиланди.

Олий суд томонидан ишларни кўриш жараёнида суд амалиётида аниқланаётган муаммолар доимий равишда ўрганилиб, «суд кўзи билан» таҳлил этиб бориш йўлга қўйилди.

Ўтказилаётган таҳлиллар асосида аниқланган камчиликлар ва қонунчиликдаги зиддиятларни бартараф этиш, шунингдек одил судлов самарадорлигини ошириш ва суд ҳокимияти мустақиллигини таъминлаш бўйича қонунчилик ташаббуси ҳуқуқидан фойдаланган ҳолда норматив-ҳуқуқий ҳужжатлар лойиҳалари ишлаб чиқилмоқда.

Олий суд Пленуми томонидан суд амалиётида қонунчиликни қўллашнинг долзарб масалалари юзасидан тушунтиришлар берилиб, давлат органлари ва ташкилотлар учун ягона суд амалиётини яратишга доимий эътибор қаратиб келинмоқда. Олий суд Пленуми томонидан 28 та қарор қабул қилиниб, уларнинг 20 тасида бевосита қонунчиликни қўллаш масалалари бўйича ҳуқуқий тушунтиришлар берилган. Ушбу тушунтиришларнинг мазмун-моҳиятида жамиятдаги энг долзарб масалалар бўйича ягона суд амалиётини ўрнатиш мақсад қилинган.

Олий суд Раёсати томонидан 2025 йилда 21 та масала кўрилиб, улар юзасидан тегишли қарорлар қабул қилинган.

Фуқароларга янада кўпроқ қулайликлар яратиш мақсадида судлар фаолиятини рақамлаштириш бўйича тизимли чоралар кўрилмоқда.

Матбуот анжуманида журналист ва блогерлар ўзларини қизиқтирган бошқа саволларга ҳам жавоблар олди.

Сайт I Telegram I Facebook I YouTube I Instagram