Телеграм канал «Андижон вилояти судлари | Расмий канал»

Андижон вилояти маъмурий судида Қишлоқ хўжалиги ва агротехнологиялар институтининг юриспруденция йўналиши талабалари учун “Очиқ эшиклар куни” тадбири ташкил этилди. Судьялар томонидан талабаларга суд-ҳуқуқ тизимида амалга оширилаётган ислоҳотлар, қонунчиликдаги янгиликлар, судга масофадан туриб ариза ва шикоятларни топшириш имкониятлари ҳамда электрон мурожаатлар орқали хизматлардан фойдаланишнинг қулайликлари тушунтирилди. Шунингдек, суд тизимида коррупцияга нисбатан муросасиз муносабат шакллантирилгани ва бу ҳаракатларни содир этган шахсларга қонунчиликда белгиланган қатъий жавобгарлик чоралари қўлланиши алоҳида таъкидланди. Мазкур тадбир талабаларнинг ҳуқуқий билим ва кўникмаларини ошириш, суд тизими фаолияти билан яқиндан таништириш ҳамда коррупцияга нисбатан муросасиз муносабатни шакллантиришга хизмат қилди. Сайт I Telegram

Андижон вилояти маъмурий судида Қишлоқ хўжалиги ва агротехнологиялар институтининг юриспруденция йўналиши талабалари учун “Очиқ эшиклар куни” тадбири ташкил этилди. Судьялар томонидан талабаларга суд-ҳуқуқ тизимида амалга оширилаётган ислоҳотлар, қонунчиликдаги янгиликлар, судга масофадан туриб ариза ва шикоятларни топшириш имкониятлари ҳамда электрон мурожаатлар орқали хизматлардан фойдаланишнинг қулайликлари тушунтирилди. Шунингдек, суд тизимида коррупцияга нисбатан муросасиз муносабат шакллантирилганива бу ҳаракатларни содир этган шахсларга қонунчиликда белгиланган қатъий жавобгарлик чоралари қўлланиши алоҳида таъкидланди. Мазкур тадбир талабаларнинг ҳуқуқий билим ва кўникмаларини ошириш, суд тизими фаолияти билан яқиндан таништириш ҳамда коррупцияга нисбатан муросасиз муносабатни шакллантиришга хизмат қилди. Сайт I Telegram

"Постда" газетасининг 2026 йил 22 январь кунги 4-сонида жиноят ишлари бўйича Шаҳрихон туман суди раиси Зарифжон Раҳимовнинг "Шантажчи эр қисмати" сарлавҳали мақоласи чоп этилди Сайт I Telegram

Жиноят ишлари бўйича Андижон шаҳар судининг тергов судьяси Отабек Эркабоев раислигида ўтказилган сайёр суд мажлисидан лавҳа Сайт I Telegram

"Андижоннома" газетасининг 2026 йил 17 январь кунги 3-4-сонларида Андижон вилояти судининг фуқаролик ишлари бўйича судлов ҳаъати судьяси Муқаддамхон Аҳмадалиеванинг "Замон талабига ҳамоҳанг ўзгаришлар" сарлавҳали мақоласи чоп этилди Сайт I Telegram

"Андижоннома" газетасининг 2026 йил 17 январь кунги 3-4-сонларида Андижон вилояти судининг фуқаролик ишлари бўйича судлов ҳаъати судьяси Муқаддамхон Аҳмадалиеванинг "Замон талабига ҳамоҳанг ўзгаришлар" сарлавҳали мақоласи чоп этилди Сайт I Telegram

Марҳаматлик Алишер Мирвоҳидовнинг боғдор­чиликка ихтисослашган бир гектар ер майдонида турли мевали дарахтлар, гул кўчатлари барқ уриб ўсиб ётарди. Кўркам боғ, албатта, ўтган-кетганнинг эътиборини тортмай қолмасди. Кадастр агентлиги туман бўлими бошлиғи Тўхтамурод Давронов ҳам бу боққа назар солди. Унинг эътиборини дастлаб боғбон боғ четида қурган иншоот ўзига тортди: қонуниймикин, ноқонуниймикин?! Албатта, у буни биларди, биларди-ю, аммо... “Каттагина ер майдонини банд қилиб турибди бу қурилма. Бир суриштириб кўриш керак. Бу ерда бир гап бор-ов...” Унинг хаёлида шунга ўхшаш фикрлар айлана бош­лади. Аслида А. Мирвоҳидов бу ерни раҳматли отасининг маслаҳати ва тавсияси, қисман молиявий сармояси эвазига кимошди савдосида қонуний тарзда сотиб олганди. Шундан буён боғ ҳам бола-чақасининг, ҳам ўзгаларнинг корига яраб турарди. Шу боғ бор экан, отаси айтгандек, рўзғорида қўр, барака бор... Йиллар оралаб, у боғ четида 4 хона уй қурди. Боққа келган туман кадастр бўлими бошлиғи айнан ушбу қурилмани ноқонуний эканини айтди. — Бузасиз, вассалом! Бу ноқонуний қурилган! — деди у. Боғбон-ку, буни тушунди. Тушунмай ўлибдими, нақ тўрт йил собиқ пахтачилик институти тупроғини ялаган, ёш бола ҳам эмас, аммо не қилсинки, бу иморатни тиклагунча, озмунча маблағ сарфламаганди. Шундай экан, кимдир келиб, “Буз, буз!” деса, у бир ғишт эмаски, у ердан-бу ерга силжитиб қўяверилса... Ўша куни Т. Давронов ноқонуний қурилма учун тегишли идораларга хабар бериши, 300 миллион сўм жаримага тортилиши ҳақида ҳам айтди. Шундан сўнг А. Мирвоҳидов ўйга ботиб қолди: нима қилиш керак?! Қандай йўл тутса, ҳаммаси қонуний бўлади?! Хуллас, у ўйлай-ўйлай Т. Давроновнинг хизмат хонасига борди. “Қурилмани қонуний тартибда расмийлаштиришга ёрдам беринг”, деб илтимос қилди. Кадастр бошлиғининг хаёлида эса, бошқа ўй айланарди. У ҳозир ўзини ўлжаси қаршисида турган овчидек ҳис этарди... — Майли, сизга бир яхшилик қиламан, — деди ниҳоят у. — Шундай қиламизки, сих ҳам куймайди, кабоб ҳам. Яъни мен айтган ҳужжатларингизни тайёрлаб бераман. Бошқа идораларга ҳам сизни югуртириб, хабарнома, далолатнома деган қоғозлар жўнатмайман. Келгусида ўзингиз айтгандек, ўша қурилмаларни расмийлаштириб бераман. Фақат, бунинг озгина чиқими бор – 6 000 доллар берасиз... А. Мирвоҳидов унинг талабига рози бўлди, бундан бошқа иложи ҳам йўқ эди. — Бу маблағни қанча тез етказсангиз, иш шунча тез битади, — деди Т. Давронов. — Яна бир ўйлаб кўринг. Айтишга осон, талаб қилинган пул кичкина маблағ эмас. Аммо боғбоннинг дўпписи ҳозир тор келиб турганди. Орадан кўп ўтмай у Т. Давроновнинг хизмат хонаси эшигини тақиллатди. — Кираверинг, — деди Т. Давронов чеҳраси очилиб. У бир неча лаҳзалар ичида кафтида пайдо бўладиган катта маблағни ўйлаб қувонарди. — Опкелдим, — дея А. Мирвоҳидов бир боғлам хориж валютасини стол устига қўйди. Т. Давронов эса, уни тезда олди-ю, иш столи тортмасига ташлади. Сўнг ҳужжатларни тезда расмийлаштириб беришини таъкидлади. — Умрингиздан барака топинг, — деди А. Мирвоҳидов ва хонадан чиқди. Шу пайт, ажабки, хонага бошқа – чақирилмаган ва кутилмаган меҳмонлар кириб келишди ва хизмат гувоҳномаларини кўрсатиб, ўзларини таништиришди. Шу тариқа Т. Давроновнинг ғайриқонуний қилмиши якун топди. Бу жиноий қилмиш жиноят ишлари бўйича Марҳамат тумани судида кўриб чиқилди ва таъмагир мансабдорнинг қилмишига қонуний баҳо берилди. Жиноят кодексининг тегишли моддаларида кўрсатилган қилмишни содир этган Т. Давронов суднинг ҳукмига кўра, 2 йил кадастр тизимида ишлаш ваколатидан маҳрум этилиб, 5 йил муддатга озодликдан маҳрум қилинди. Бу жиноий қилмишни баён этишимиздан мақсад шуки, мансаб ваколатини суиистеъмол қилиш, таъмагирликка рўжу қўйиш ҳеч қачон изсиз кетмайди, балки муқаррар жавобгарликка сабаб бўлади. Шундай экан, ҳалол меҳнат, зиммадаги вазифаларга виждонан муносабатда бўлиш нафақат обрў-эътибор олиб келишини, балки кўнгил хотиржамлигини ҳам таъминлашини ҳеч қачон унутмаслик керак. Умидахон ИМОМОВА, Андижон вилояти судининг жиноят ишлари бўйича судьяси Telegram