Телеграм канал «O’zR ADVOKATLAR PALATASI»

🌍 ХАЛҚАРО КАСБИЙ ИМКОНИЯТЛАР 🇺🇿🇬🇧

Ўзбекистон Адвокатлар палатаси ва Англия ва Уэльс Адвокатлар жамияти (The Law Society of England and Wales) ўртасидаги ҳамкорлик доирасида Ўзбекистонлик адвокатлар учун Англия ва Уэльсда солиситор (Solicitor) бўлиш имкониятлари ҳақида маълумот тақдим этилди. ✨

Хусусан, хорижий юристлар, жумладан, Ўзбекистонда адвокатлик мақомига эга бўлган ҳуқуқшунослар учун Солиситорлик малакасини тасдиқлаш имтиҳони — Solicitors Qualifying Examination (SQE) орқали Англия ва Уэльсда солиситор бўлиш тартиби, шунингдек, айрим ҳолатларда SQE2 имтиҳонидан озод бўлиш имконияти ҳақида маълумот берилган. 📜

Мазкур маълумот Ўзбекистонлик адвокатларга танишиш ва халқаро касбий ривожланиш имкониятлари ҳақида хабардор бўлиш мақсадида тақдим этилмоқда. 📈

📎 Қуйида Англия ва Уэльсда хорижий юристлар учун солиситор бўлиш имкониятларига оид:
• маълумотлар;
• тегишли расмий манбаларга ҳаволалар https://www.lawsociety.org.uk/career-advice/becoming-a-solicitor/qualifying-from-abroad-to-work-in-england-and-wales; https://www.sra.org.uk/become-solicitor/qualified-lawyers/sqe-exemptions/
• «Doing Legal Business in England and Wales» қўлланмаси (инглиз тилида) танишишингиз мумкин. 📚

➡️ Илова 📎

🏆♟Mustaqilligimizning 35 yilligi munosabati bilan “Mustaqillik kubogi” turniri g‘oliblik uchun shaxmat musobaqalari joylarda davom etmoqda

🇺🇿 Barchamizga ma'lumki, O‘zbekiston Respublikasi Advokatlar palatasi tomonidan berilgan topshiriq ijrosini ta'minlash maqsadida, Advokatlar palatasi va uning hududiy boshqarmalarida faoliyat yuritayotgan advokatlar o‘rtasida O‘zbekiston Respublikasi Mustaqilligining 35 yilligi munosabati bilan “Mustaqillik kubogi” turniri g‘oliblik uchun shaxmat musobaqasi tashkil etilgan.

👉 Batafsil... 🔗

| 🌐 Paruz.uz | 🔵 Facebook | 📸 Instagram |

🏛⚖️ ANDIJONDA ADVOKATLAR ISHTIROKIDA “OCHIQ MULOQOT” O‘TKAZILDI

🗣 2026 yil 8 avgust kuni, Jinoyat ishlari bo‘yicha Andijon shahar sudining majlislar zalida, Andijon viloyat sudi tashabbusi bilan “Yo‘l-transport hodisalari bilan bog‘liq jinoyat va ma'muriy huquqbuzarliklarga oid ishlar bo‘yicha mavjud muammolar va ularning yechimlari” mavzusida Andijon viloyat sudi raisi o‘rinbosari, jinoyat ishlar bo‘yicha sudlov hay'ati raisi M.Abobakirov raisligida ochiq muloqot o‘tkazildi. 📝

👉 Batafsil... 🔗

| 🌐 Paruz.uz | 🔵 Facebook | 📸 Instagram |

♟ Surxondaryoda shaxmat bo‘yicha tanlov bo‘lib o‘tdi

🏛 Joriy yilning 6 avgust kuni, Advokatlar palatasi Surxondaryo viloyati hududiy boshqarmasi binosida, O‘zbekiston Respublikasi Advokatlar palatasida shaxmat bo‘yicha o‘tkaziladigan turnirda ishtirok etish uchun surxondaryolik advokatlar o‘rtasida shaxmat bo‘yicha tanlov bo‘lib o‘tdi.
⚖️ Tanlovda viloyat hududiy boshqarmasi tizimida faoliyat ko‘rsatayotgan advokatlik tuzilmalaridagi advokatlar ishtirok etdilar. Shaxmat musobaqasi juda qiziqarli tarzda o‘tdi.
📝 O‘yin davomidagi bahslardan so‘ng tanlovda "Surxon Barkamol Imkon" Advokatlar hay'ati advokati Shernazarov Zafarjon Davlatovich g‘olib deb topildi va uni Respublika Advokatlar palatasida advokatlar o‘rtasida o‘tkaziladigan shaxmat bo‘yicha turnirda ishtirok etishligi haqida tavsiya berildi.

🏛Soha vakillarining uchrashuvi❗️

⚖️ O‘zbekiston Respublikasi Advokatlar palatasi Qoraqalpog‘iston Respublikasi hududiy boshqarmasining tashabbusi bilan, joriy yilning 6 avgust kuni Qoraqalpog‘iston Respublikasi Adliya vazirligining majlislar zalida, hududda faoliyat yuritayotgan barcha advokatlar ishtirokida uchrashuv bo‘lib o‘tdi.

🗣 Uchrashuvda Qoraqalpog‘iston Respublikasi Ichki ishlar vazirligi tergov boshqarmasi, tergov hibsxonasi, ichki xavfsizlik boshqarmasi vakillari va Adliya vazirligi mas'ullari ishtirok etib, tergovda, tergov hibsxonasida, shuningdek davlat hisobidan advokat tayinlash masalalari bo‘yicha amaliyotda yuzaga kelayotgan muammolarni bartaraf etish yuzasidan takliflar, fikr mulohazalar bildirdilar.

🤝 Bundan tashqari, uchrashuvda “Yosh advokatlar” guruhi tashkil etilib, ular bilan ham kelgusida yosh advokatlar bilan amalga oshiriladigan tadbirlar rejasi hususida kelishib olindi.

#Murojaat
 
⚖️Hurmatli advokatlar!
📌So‘nggi vaqtlarda ijtimoiy tarmoqlarda sud jarayonlari, sud hujjatlari, tergov harakatlari hamda davlat organlari va mansabdor shaxslar faoliyatiga oid masalalar yuzasidan advokatlar tomonidan turli fikr va munosabatlar bildirilayotgan holatlar kuzatilmoqda.

❗️Shuni alohida ta’kidlaymizki, advokatning har bir ommaviy chiqishi, fikri yoki huquqiy xulosasi yuksak kasbiy mas’uliyat, xolislik va qonunchilik talablariga qat’iy rioya etilgan holda bildirilishi lozim.

⚖️Advokat tomonidan ijtimoiy tarmoqlarda tarqatilayotgan axborotlar fuqarolarning huquqiy ongiga, sud-huquq tizimiga bo‘lgan ishonchiga hamda muayyan ish bo‘yicha jamoatchilik fikrining shakllanishiga bevosita ta’sir ko‘rsatishi mumkin.

📌Shu munosabat bilan advokatlardan:
🔹sudlarda ko'rilayotgan yoki tergov organlari yurituvidagi ishlar yuzasidan protsessual hujjatlar to‘liq o‘rganilmasdan turib biryoqlama yoki asossiz huquqiy xulosalar bermaslikni;
🔹sudyalar, tergovchilar, prokurorlar va boshqa mansabdor shaxslarning faoliyatiga nisbatan qonunchilikda belgilangan tartib va kasb etikasi talablariga zid ravishda baho berishdan tiyilishni;
🔹isbotlanmagan yoki noto‘g‘ri ma’lumotlarni tarqatmaslikni;
🔹advokatlik siri, shaxsga doir ma’lumotlar hamda qonun bilan muhofaza qilinadigan boshqa sirlarni oshkor etmaslikni;
🔹sud hokimiyatining mustaqilligi va odil sudlovni amalga oshirish jarayoniga salbiy ta’sir ko‘rsatishi mumkin bo‘lgan har qanday harakatlardan tiyilishni;
🔹ommaviy axborot vositalari va ijtimoiy tarmoqlardagi faollikda kasbiy odob-axloq qoidalariga qat’iy amal qilishni so‘raymiz.

Advokatlarning ijtimoiy tarmoqlardagi faoliyati “Advokatura to‘g‘risida”gi Qonun, Advokatning kasb etikasi qoidalari, Advokatlar tomonidan internet tarmog‘ida faollik ko‘rsatish va ommaviy axborot vositalari bilan hamkorlik qilishda Advokatning kasb etikasi qoidalarini qo‘llash masalalariga oid majburiy tushuntirishlari, shuningdek boshqa qonunchilik hujjatlari talablari asosida amalga oshirilishi lozim.

⚖️Advokatlik kasbining obro‘-e’tibori, odil sudlovga bo‘lgan ishonch hamda fuqarolarning huquq va qonuniy manfaatlarini himoya qilishda advokatlarning kasbiy mas’uliyati alohida ahamiyat kasb etadi.

🤝Shu bois barcha advokatlarni ijtimoiy tarmoqlar va ommaviy axborot vositalarida faoliyat yuritishda qonunchilik hamda kasb etikasi talablariga qat’iy rioya etishni so‘raymiz.
 
O‘zbekiston Respublikasi Advokatlar palatasi
Jamoatchilik bilan aloqalar bo'limi

📢 OCHIQ MULOQOT

📅 2026 yil 1 avgust kuni, Toshkent viloyati IIB tergov boshqarmasi binosida, viloyat tergovchilari va Advokatlar palatasining hududiy boshqarmasi tizimida faoliyat yuritayotgan advokatlar tuzilmasi rahbarlari hamda advokatlar bilan birgalikda ochiq muloqot (onlayn) shaklida o‘tkazildi. 🤝

💬 Ochiq muloqotda soha vakillari tergov jarayonida yuzaga kelayotgan muammoli holatlarni bartaraf etish va kelajakda bunday holatlarga qayta yo‘l qo‘ymaslik borasidagi kelishuvga erishishni maqsad qilib qo‘ydilar.

🗣 Muloqot davomida soha vakillari kasbiy faoliyatdagi barcha amalga oshirilishi lozim bo‘lgan muammolarni muhokama qilib, tegishli qaror va takliflarni qabul qildilar. ✅