Телеграм канал «Can be used if needed.»

အသည်းကွဲဖိတ်စာ

ဒီနေ့အိမ်ရှေ့မှာထူးထူးဆန်းဆန်း
ဖိတ်စာအနီ​လေးတစ်ဆောင်ရောက်နေတယ်
အနီရောင်အသည်းပုံလေးပေါ်မှာသူခေါ်နေကျနာမ်စားလေးကိုမြင်လိုက်တယ်
"အကို့အတွက်''တဲ့
ဒီကောင်မလေးမွေးနေ့ကလဲလိုပါသေးတယ်ဆိုပြီးတွေးနေမိတာ
အော် အလှူဖိတ်စာဖြစ်မှာပါဆိုပြီးအမှုမဲ့အမှတ်မဲ့ပဲထားလိုက်မိတယ်
ပြီးတော့နောက်တစ်နေ့
မှတ်မှတ်ရရအဲ့နေ့ကတနဂ်နွေနေ့
ဖုန်းမှာ Noti တက်လာတယ်
"အကိုမနက်ဖြန်မဂ်လာဆောင်မလာနဲ့နော်''တဲ့
ငါ့မှာအဲ့စာလဲဖတ်ပြီးရော
ခဏတာလောကကြီးနဲ့အဆက်အသွယ်ပြတ်သွားခဲ့တယ်
အဲ့ကျမှမနေ့ကဖိတ်စာကိုပြန်ဖတ်ဖို့အသည်းအသန်ပြန်ရှာတယ်
ဟော တွေ့ပါပြီ စားပွဲပေါ်မှာ
"အကို့အတွက်''ဆိုတဲ့ဖိတ်စာအနီရောင်လေး
ငါ့ရဲ့မျက်မှန်မလေးရဲ့နောက်ဆုံးအသည်းကွဲဖိတ်စာ
ဖောက်ဖတ်ကြည့်လိုက်တော့
မျက်ရည်တွေဝဲလာတယ်
ငါ့မှာနောက်ဆုံးအနေနဲ့ပြောစရာတစ်ခုပဲကျန်တော့တယ်
"ပျော်ရွှင်ပါစေ ကလေးမ
အကို့ရဲ့ဆယ်စုနှစ်တစ်ခုလောက်နီးနီးချစ်ခဲ့ရတဲ့ကောင်မလေး
မျက်မှန်လေးရဲ့ကိုယ်စောင့်နတ်ဟာအကိုမဖြစ်ခဲ့ရပါဘူး
မင်းကလွဲရင်အကုန်စွန့်လွတ်ရဲတယ်ဆိုတဲ့ကောင်က
မင်းနဲ့မှတိုက်တိုက်ဆိုင်ဆိုင်လွဲခဲ့ရတယ်လို့ကွာ
ဘယ်တက်နိုင်မလဲ
ကျွန်တော်တို့တွေဟာအချစ်ဦးနဲ့လွဲတက်မြဲပဲမလား
ဒါပေမယ့်
ငါကအကုန်လုံးနဲ့လွဲခဲ့တယ်

တစ်ကြိမ်တစ်ခါလောက်တော့
မျက်မှန်မလေးကိုမေ့မရကြောင်းဝန်ခံချင်ပါတယ်
ဒါပေမယ့်
ငါ့မာနကငါ့ထက်တော်တော်အားကြီးနေတယ်
ဟူးးးးးးးးးးးးးး ဆိုတဲ့
အာမေဍိတ်အသံတစ်မျိုးပဲထွက်လာခဲ့တယ်
ပြီးတော့တွေးမိတယ်
ငါမင်းကိုမေ့ဖို့
အချိန်ဘယ်လောက်ထပ်ကြာနိုင်မလဲလို့ပေါ့

အိပ်မက်ထဲက''နတ်သမီးကော်ဖီဆိုင်''

ကျွန်တော်အရင်ကကော်ဖီဆိုင်တစ်ဆိုင်ဖွင့်ချင်ခဲ့တယ်
ကော်ဖီဆိုင်ရဲ့နာမည်ကိုရိုးရိုးရှင်းရှင်းလေးပဲပေးမယ်ဆိုပြီးတွေးခဲ့ဖူးတယ်
သူမရဲ့နာမည်ကို''နတ်သမီး''လို့မြန်မာလိုကျောက်သင်ပုန်းတစ်ခုမှာရေးဆွဲထားချင်ခဲ့တယ်
ကျွန်တော်တို့လက်လှမ်းမမှီတဲ့အရာတွေကို
အင်္ဂလိပ်ဘာသာမှာရေးရင်''She''လို့သုံးတက်ကြတယ်လေ
အဲ့ဒါကျွန်တော့အိပ်မက်ဖြစ်တဲ့ကော်ဖီဆိုင်ရဲ့နာမ်စားကိုသူမလို့အသုံးပြုခြင်းမျိုးပါပဲ
ကျွန်တော့ကော်ဖီဆိုင်မှာရနိုင်တဲ့ကော်ဖီအမျိုးအစားတွေကိုကိုပြောပြမယ်
မီနူးကိုကျွန်တော့သဘောကျတဲ့အစိမ်းရောင်လေးထားမယ်
ဘာလို့အစိမ်းရောင်လဲဆိုတော့
"သူနဲ့ကျွန်တော်ကသူစိမ်းတွေမို့လို့ပေါ့ဗျာ''

ရနိုင်မယ့်ကော်ဖီအမျိုးအစားတွေကတော့
ကျွန်တော်ကခါးတာဆိုသိပ်ကြိုက်တာဆိုတော့
Americano ကမပါမဖြစ်ပေါ့
နောက်တစ်ခုက Black coffee ကိုသံပုရာသီးလေးနဲ့သောက်တက်အကျင့်ရှိတော့
ဒါလေးလဲရပါမယ်
အချိုကြိုက်လွန်းတဲ့သူအတွက်တော့
Cappuccino ပါရမှာပေါ့ဗျာ
အခါးသီသန့်သဘောကျတဲ့သူတွေအတွက်ကတော့
Espresso လဲရမယ်

ကော်ဖီဆိုင်ရဲ့ရှေ့လေးမှာ
"သို့ နတ်သမီးကော်ဖီဆိုင်မှကြိုဆို၏''
ဆိုတဲ့ဆိုင်းပုဒ်လေးချိတ်ထားမယ်
ဆိုင်အတွင်းဘတ်မှာ
ကျောက်သင်ပုန်းတစ်ခုနဲ့မြေဖြူတစ်ခုထားပေးမယ်
ကဗျာတစ်ပုဒ်စီရေးပေးထားမယ်
ရေးချင်တဲ့ဖျက်ပြီးရေးခွင့်ပေးထားမယ်

နတ်သမီးကော်ဖီဆိုင်ရဲ့
ပထမဆုံးကဗျာနဲ့နောက်ဆုံးက​ဗျာက
ကျွန်တော်အရမ်းကြိုက်ခဲ့တဲ့ကဗျာတစ်ပုဒ်ကိုအမြဲတမ်းအနေနဲ့ရေးထားပါမယ်
ဆရာဆန်းကျော်စွာဝင်းရဲ့
"မျက်မှန်အောက်ကမျက်ဝန်းလေးအားရိုးတွင်းချဥ်စီထဲနစ်နေအောင်ချစ်သည်''
အရမ်းကြိုက်တဲ့ကဗျာလေးတစ်ပုဒ်မို့လို့
အမြဲစိတ်ထဲစွဲနေတာပါ

#Baka

ငါးမျှားနေတယ် မအားသေးဘူး
မနက်ဖြန်ပြန်လာမယ် 😅

မျက်မှန်လေးအတွက်နောက်ဆုံးကျိန်စာ

ကျိန်စာတွေရှိကြောင်းကိုကျွန်တော်ယုံတယ်
တစ်ခုခုကိုနာနာကျည်းကျည်းမုန်းလို့​ကျိန်တာမျိုးတွေရှိတက်သလို
တစ်ခုခုကိုချစ်လွန်း၍ကျိန်ဆိုတာမျိုးတွေလဲကြုံဖူးမှာပါ
ဒီဇာတ်လမ်းအစနဲ့အဆုံးမှာတော့
ကျိန်စာသင့်သွားတာကမျက်မှန်တပ်တဲ့သူမဟုတ်ခဲ့ဘူး
အမုန်းနဲ့ကျိန်စာကအစွမ်းထက်သလို
အချစ်နဲ့ကျိန်စာကလဲဆေးဖတ်ဝင်ခဲ့ပါတယ်
တစ်ဘဝစာလုံးအတွက်
အဆိပ်အတောက်ဖြစ်ခဲ့တာကလွဲရင်ပေါ့
ချစ်သောမျက်မှန်​လေးရေ
မင်းအတွက်ဆိုရင်
ဘယ်နေရာဘယ်ဒေသရောက်ရောက်
အမြဲသတိရနေပါတယ်
ရောက်တဲ့နေရာမှာပျော်ရွှင်စေပြီး
ချစ်တဲ့သူနဲ့လဲပေါင်းဖတ်နိုင်ပါစေကွာ
ဒါငါ့ရဲ့ချစ်လှစွာသောမျက်မှန်လေးအတွက်နောက်ဆုံးကျိန်စာပဲ
#Baka (ဘုံဆိုင် ၂)

ကြယ်တာရာမြို့တော်

ဒီနေ့ညမိုးလေကင်းစင်တယ်
လလဲမရှိတော့
ကောင်းကင်မှာကြယ်တွေနဲ့ပြည့်နက်နေတယ်
မေးကြည့်မိတယ်
မင်းတို့လမင်းကြီးမရှိတော့အဆင်မှပြေရဲ့လားလို့
တစ်ညီတစ်ညွတ်တည်းပြန်ဖြေပေးတယ်
အဆင်မပြေဘူးဆိုပဲ
ငါတို့လိုအပ်နေချိန်မှာသူအမြဲရှိနေတက်တယ်
သူလိုတဲ့အချိန်ကျတော့
ငါတို့ကတစ်နေရာစီမှာဖြစ်နေတယ်
ခင်ဗျားတွေ့ရင်တစ်ချက်မေးပေးပါဗျာ
"နေကောင်းရဲ့လားလို့''
#Baka (ဘုံဆိုင် ၂)