Телеграм канал «"Yunus Ali Oxund" jome masjidi | Qorasuv»

Ассалому алайкум ва роҳматуллоҳи ва баракотуҳ! Айёмингиз муборак бўлсин!

Бугун 01 июл, 2026 йил.
Ҳафтанинг Чоршанба куни.
Ҳижрий сана: 1448, Муҳаррам ойининг 16-куни куни.!!! https://t.me/yunusalioxund

#muftiy_minbari

Намоз буюк ибодатдир
🎙 Шайх Нуриддин Холиқназар ҳазратлари
@yunusalioxund

МЎМИНЛАРНИНГ 3 АХЛОҚИ

Бисмиллаҳир Роҳманир Роҳийм

📖 Аллоҳ таоло бундай марҳамат қилади: “Афвни (қабул қилиб) олинг, яхшиликка буюринг, жоҳиллардан эса юз ўгиринг!” (Аъроф сураси, 199-оят).

Афвни (қабул қилиб) олинг

Афв этиш бирор кишининг айб, ёмон ишларини кечириш, айбдорга нисбатан жазо беришга лойиқ бўлса ҳам лутф кўрсатиб жазолашни тарк этишдир. Кечиримли ва сабр-тоқатли бўлиш динимизнинг асосий тамойилларидан биридир. Айниқса, ўч олишга қодир бўла туриб кечириб юбориш гўзал фазилат, олий хулқ намунасидир.

📰 Оятдаги “афв” сўзининг тафсири манбаларда турлича келган. Баъзи муфассирлар у – бағрикенглик билан ўзгаларнинг узрини қабул қилиш, оғирликни ўзига олиб, бошқаларга енгиллик бахш этиш десалар, бошқалари закот вожиб қилинмасдан олдин бойлардан олинадиган садақалар деб изоҳлаганлар.

Имом Табарий раҳматуллоҳи алайҳ бундай дейди: “Расулуллоҳ соллаллоҳу алайҳи васаллам Жаброил алайҳиссаломдан ушбу оятни шарҳлаб беришни сўраганларида У зот: “Аллоҳ таоло Сизга буюриб айтмоқда-ки, Сизга зулм қилган кишини Сиз афв этинг, Сизга бермаган кишига Сиз беринг, Сиздан узилиб кетган кишига Сиз яқинлашинг!” деб шарҳлаганлар”.

Саҳобалар Пайғамбаримиз алайҳиссаломдан: “Гўзал хулқ нима?” деб сўрадилар. Шунда у зот соллаллоҳу алайҳи васаллам: “Афвни (қабул қилиб) олинг, яхшиликка буюринг, жоҳиллардан эса юз ўгиринг!” оятини тиловат қилдилар.

📿 Афв гўзал ва мақталган ахлоқларнинг асосидир. Расулуллоҳ соллаллоҳу алайҳи васаллам: “Кимки унинг учун жаннатда бинолар қурилишини ва даражалари кўтарилишини хоҳласа, зулм қилганни авф этсин, бермаганга берсин ва орани узганга силаи раҳм қилсин”, дедилар (Имом Ҳоким ривояти)... @yunusalioxund

https://t.me/muslimunuzportal/22509

#дурдона_суннатлар
КИЙИНИШ ОДОБЛАРИ

Аллоҳ таоло инсонни бошқа мавжудотлардан либос кийиш неъмати билан афзал қилди ва Қуръони Каримда шундай марҳамат қилди: «Эй Одам болалари, Батаҳқиқ, Биз сизга авратларингизни беркитадиган либос ва зийнат кийимларини нозил қилдик» (Аъроф сураси, 26-оят).

Динимизда кийинишнинг ўзига хос гўзал одоблари бор:

• Либосни ўнг томондан кийиш: Оиша онамиз (розияллоҳу анҳо) айтадилар: «Набий соллаллоҳу алайҳи васаллам оёқ кийим кийишда, соч тарашда, таҳорат қилишда ва умуман, барча ишда ўнг томондан бошлашни яхши кўрардилар».

• Оқ рангли кийим кийиш: Расулуллоҳ соллаллоҳу алайҳи васаллам айтдилар: «Кийимларингиздан оқини кийинг, чунки у кийимларингизнинг энг яхшисидир. Ва ўликларингизни ҳам у билан кафанланг».

• Кийимда исрофга йўл қўймаслик: Аллоҳ таоло айтади: «Улар инфоқ қилганларида исроф ҳам, хасислик ҳам қилмаслар. У иккиси ўртасида мўътадил бўлурлар» (Фурқон сураси, 67-оят).

• Эркаклар учун ипак ва олтинни тарк қилиш: Алий ибн Абу Толиб (розияллоҳу анҳу) ривоят қилади: «Аллоҳнинг Набийи соллаллоҳу алайҳи васаллам ипакни олиб ўнг қўлларига, олтинни олиб чап қўлларига қўйдилар. Сўнг: "Албатта, бу иккиси умматимнинг эркакларига ҳаромдир", дедилар».

• Кийимнинг узунлигида манманликка йўл қўймаслик: Ибн Умар розияллоҳу анҳудан ривоят қилинади: Пайғамбаримиз соллаллоҳу алайҳи васаллам: «Ким манманлик ила кийимини судраб юрса, Аллоҳ унга (қиёмат куни) раҳмат назари билан боқмайди», – деганлар.

🤲 Аллоҳ таоло барчамизга ташқи ва ички гўзалликни, либос одобларига мукаммал амал қилишни насиб айласин!

@yunusalioxund

☝️ АЛЛОҲНИНГ МУҲАББАТИГА ЭРИШИШ ЙЎЛЛАРИ
 
Аллоҳ таолонинг муҳаббатига эришиш ҳар бир мўмин-мусулмоннинг энг олий мақсадидир.
 
Қуйида бу буюк муқомга ноил этувчи амаллар билан танишамиз:
 
✅ 1. Қуръонни тадаббур билан ўқиш
Роббимизнинг каломини шунчаки ўқиш эмас, балки унинг маъноларини тушуниб, тадаббур ва тафаккур қилиш Аллоҳнинг муҳаббатига эриштирувчи биринчи амалдир.
 
✅ 2. Суннатга эргашиш
Пайғамбаримиз соллаллоҳу алайҳи васалламнинг суннатларини ҳаётга татбиқ этиш Аллоҳнинг бандасини севишига асосий сабабдир. Қуръонда: "Айтинг (эй Муҳаммад): «Агар Аллоҳни севсангиз, менга эргашинг, шунда Аллоҳ сизни севади...»" (Оли Имрон, 31).
 
✅ 3. Нафл ибодатларни кўпайтириш
Фарз ибодатларни ўз вақтида адо этгандан сўнг, нафл намозлар (айниқса таҳажжуд) ва бошқа қўшимча амаллар бандани Аллоҳга янада маҳбуб қилади.
 
✅ 4. Аллоҳнинг зикрида бардавом бўлиш
Тилда ҳам, қалбда ҳам Аллоҳни доимо эслаб юриш муҳаббат белгисидир. Зеро, киши нимани кўп яхши кўрса, ўшани кўп зикр қилади.
 
✅ 5. Оз бўлса ҳам давомли амал
Расулуллоҳ соллаллоҳу алайҳи васаллам: "Амалларнинг Аллоҳга энг маҳбуби оз бўлса-да, давомлисидир", деб марҳамат қилганлар.
 
✅ 6. Гўзал хулқ ва поклик
Аллоҳ таоло тақводорларни, сабрлиларни, доимо тавба қилувчиларни ва қалби ҳамда танаси пок бўлган бандаларини севади.
 
🤲 Аллоҳ таоло барчамизни Ўзи севган ва Ўзини севадиган бандаларидан қилсин!
 @yunusalioxund

Аллоҳ кимларн яхши кўради?

1. «Эҳсон қилинг, албатта. Аллоҳ эҳсон қилувчиларни хуш кўради».
(Бақара Сураси, 195 - оят)

2. «Албатта, Аллоҳ тавба қилувчиларни севади ва покланувчиларни севади».
(Бақара Сураси, 222 - оят)

3. «Бас, Аллоҳ тақводорларни хуш кўради».
(Оли Имрон сураси, 76 - оят)

4. «Аллоҳ сабрлиларни севади».
(Оли Имрон сураси, 146 - оят)

5. «Аллоҳ гўзал амал қилувчиларни севади».
(Оли Имрон сураси, 148 - оят)

6. «Албатта, Аллоҳ яхшилик қилувчиларни севади».
(Моида сураси, 13 - оят)

7. «Албатта, Аллоҳ тақводорларни севадир».
(Тавба сураси, 4 - оят)

8. «Албатта, Аллоҳ тақводорларни севадир».
(Тавба сураси, 7 - оят)
@yunusalioxund