Телеграм канал «"Yunus Ali Oxund" jome masjidi | Qorasuv»

#muftiy_minbari Шогирдлик номига муносиб бўлайлик 🎙 Шайх Нуриддин Холиқназар ҳазратлари @yunusalioxund

Аҳнаф ибн Қайс айтди: «Илмнинг илдизи рағбат, меваси – ибодат. Зухднинг илдизи – қўрқиш, меваси – саодат. Мардликнинг илдизи ҳаё, меваси иффат. Ақл – энг мустаҳкам пойдевор, тақво – энг афзал либос. Нодон молни, оқил камолни талаб қилади. Дарс соатини узайтирмаган ва нафсини қийнамаган киши илмга етолмайди. Қанча хору залил кишилар бор, ақли уларни азиз қилади. Қанча азизлар бор, нодонлиги уларни хору залил қилади». Изоҳ. «Илмнинг илдизи – рағбат, меваси – ибодат». «Рағбат» сўзини ўзбекчага «қизиқиш, истак, хоҳиш» деб ўгирсак бўлади. Бир нарсага қизиқиш ўз-ўзидан пайдо бўлмайди. Ҳар кимнинг рағбати ҳар хил бўлишига кўра айтиш мумкинки, Оллоҳ таоло ҳар бир бандасига алоҳида рағбат уруғини сочган. Уруғ илдизга айланиши учун ҳар томонлама эътибор талаб этилади. Афсуски, кўп ҳолларда бу уруғ тушган ўрнида парваришсиз қуриб қолади. Шунинг учун кимнинг нимага рағбати борлиги болаликдан аниқланса ва кейинги жараён аввало, ота-она, сўнг муаллим томонидан табиий ўзанга мувофиқ йўналтирилса, бундай фарзандлардан етук шахслар етишиб чиқади, бундай шахслари билан миллат гуркираб яшнайди, пешқадам бўлади. Олимлик ҳам илмга рағбатдан бошланади. Рағбат бақувват илдизга айлана боргани сайин гуллашга имкон яратилади, гуллар мева тугиб, ҳосилга киради. Илм толиби шу тарзда олимга айланади. Олимликнинг энг юқори чўққиси эса ўзининг банда эканини англашдир. «Зухднинг илдизи – қўрқиш, меваси – саодат». Бу ўринда Оллоҳ таоло раҳматига олсин, Зуннун Мисрийнинг айтганлари нақадар мавзуга мувофиқ: «Оллоҳнинг шундай қуллари бор, улар гуноҳ дарахтларини қалбнинг назар тушадиган жойларига экдилар ва уни тавба суви билан суғордилар. Дарахтлар пушаймонлик ва ҳазинлик ҳосилини берди. Улар жунунсиз мажнун бўлдилар. Улар ҳайрат ичра қотдилар, лекин ҳайратдан дудуқланиб, соқовланиб қолмадилар. Чунки, улар Оллоҳ ва Расулини танигувчи болиғ, фасиҳ, ориф эдилар. Кейин улар сафо косасини симирдилар, натижада, узоқ синовларга сабрли бўлишни мерос қилиб олдилар. Сўнгра уларнинг қалблари малакут оламида бехуд бўлди, фикрлари жабарут пардалари аро кезди. Улар надомат равоқининг соясида тўхтадилар ва гуноҳлар саҳифасини ўқидилар. Натижада улар ўз нафсларига қўрқинчу қайғуни мерос қолдирдилар. Ҳатто тақво нарвони билан зуҳд чўққисига кўтарилдилар». «Мардликнинг илдизи – ҳаё, меваси – иффат». «Ақл – энг мустаҳкам пойдевор, такво – энг афзал либос». «Нодон молни, оқил камолни талаб қилади». «Дарс соатини узайтирмаган ва нафсини қийнамаган киши илмга етолмайди». «Қанча хору залил кишилар бор, ақли уларни азиз қилади. Қанча азизлар бор, нодонлиги уларни хору залил килади». Розимиз бизда бўлсин илм мудом, Жоҳиллар учун муҳими дунё-мол. Тез фурсат бойликдан қолмайди асар, Илло, илм қолар, йўқ унга завол. “Унвонул баён”дан. @yunusalioxund

Умар ибн Абдулазиз айтади: Эй одамлар, Аллоҳдан қўрқинглар ва ризқни чиройли талаб қилинглар. Агар ризқингиз тоғнинг чўққисида ёки ернинг қаърида бўлса ҳам, албатта унга етишасиз. Бас, Аллоҳдан қўрқинглар ва ризқни чиройли талаб қилинглар. @yunusalioxund

Бир киши айтади: “Ишхонада мен билан ишлайдиган бир ҳамкасбим ёнимда ойлик маошини тақсимлай бошлади: 300 - мактаб тўлови, 200 - кийим дўкони учун тўловлар, 150 - онамга, 200 - отамга... ва ҳоказо. Мен унга: «Тўхта-тўхта, ота-онанг бир неча йил олдин вафот этганини айтган эдинг-ку?» дедим. У жилмайиб деди: «Улар ерда вафот этишган, лекин қалбимда ҳали ҳам тирикдирлар ва ҳозир улар менга жуда ҳам муҳтождирлар», деди. Марҳумларингиз учун (уларнинг номларидан) садақа қилинглар. Самир Маҳмуд. @yunusalioxund

Уқба ибн Омир розияллоҳу анҳудан ривоят қилинади: «Расулуллоҳ соллаллоҳу алайҳи васалламнинг: «Ҳар ким қиёмат куни одамлар ўртасида ҳукм чиқарилгунча садақаси соясида бўлади» деганларини эшитдим». Имом Аҳмад "Муснад"ида ривоят қилган. Язийд: «Абул Хайр бирор кунни ҳам садақасиз ўтказмас эди. Ҳеч бўлмаса, бир бурда қотган нон ёки бир дона пиёз бўлса ҳам», деди». @yunusalioxund

Илм билан ёлғиз қолган кишини ёлғизлик қўрқитолмайди. Китоблардан юпанч топган кишини, юпанчи ташлаб кетмайди. Изоҳ. «Илм» сўзининг таърифлари кўп. Луғавий маъноси – билиш. Яна қўшимча қилсак, бир нарсанинг ҳақиқатига – моҳиятига етиш. Билиш бир-бирини тақозо этувчи жараён сифатида давом этса, англаш ҳосил бўлади. Демак, бизнинг бу шартли таърифимизга кўра, англаш «билиш»дан кейинги босқич. Муайян фан, соҳадаги маълумотдан хабардор бўлиб, уни кейинги маълумотларга боғлай олиш ва тизим сифатида уларни мустақил ўзлаштириш малакасига эга бўлиш билан киши шу соҳанинг олимига айланиб боради. Тафаккур қилишга қобилияти бор инсонлар учун бу машғулот жуда жозибалидир. Илмнинг ўзига тортиш қуввати шу даражада кучлики, илм билан машғул инсонни на зимистон зиндон қўрқитади, на гуллаб яшнаган боғу бўстон чалғитади. Ҳатто теккан жойини куйдириб, юракни эзиб, бадбинликка қориб ташлайдиган ёлгизлик ҳам унга таъсирини ўтказолмайди. Чунки у суйган машғулоти билан банд. Айни дамда ҳеч ким ва ҳеч нарса уни бу оламдан узолмайди. Бу оламда минг йиллик тарих кезинади, пайғамбарлар, пайғамбарлар сардори Расулуллоҳ соллаллоҳу алайҳи ва саллам, саҳобалар ва улардан сўнгги не-не улуғ азизлар ўз даврининг жонли манзаралари билан намоён бўлади. Олим ўқиётган китоблари, ҳосил қилаётган илми орқали шонли тарих оралаб, аждодларининг зиёратини топади, дўстлар орттириб, уларнинг сурури билан сурурга тўлади, ғами билан ғамга ботади. Илм оламидаги бу ҳаёт уни ҳеч қачон дунё ҳаётидек малоллантирмайди, китоблардан топган бу дўстлари уни ҳеч қачон ташлаб кетмайди, хиёнат қилмайди. Ушбу шеър ҳам шу мазмундадир: Бизда жонга оро ҳамсуҳбатлар бор, Сўзлари малол етказмас табиий. Бор-йўғингда ишончни оқлайдиган Оқилу доно улар ҳам самимий. Наф берар илми билан бобомерос, Илмки, фикр, қувват, ҳақ сўз жамланган. Ёмонликдан йироқ беозор дўстлар Хижолатга солмас тили, қўлидан. “Унвонул баён”дан. @yunusalioxund

Асабия, (таассуб, миллатчилик) у ҳар қандай шаклда бўлмасин, ирқий, ватанпарварлик ёки қабила-уруғчиликми, умматни парчалайдиган саратондир, хасталикдир. Бу ёвуз ўсимтани бутун дунёда фақат Исломгина йўқота олади, фақат Ислом. Абдуллоҳ Аҳмад Али Адийний. @yunusalioxund